സ്കൂള് കുട്ടികള്ക്കു നേരെ തെരുവുനായയുടെ ആക്രമണം അഞ്ച് വയസുകാരനു ഗുരുതര പരിക്ക്
പുല്ലുവിളയ്ക്കു സമീപം സ്കൂള് കുട്ടികള്ക്കു നേരെ തെരുവുനായ ആക്രമണം. കാഞ്ഞിരകുളം ജവഹര് സെന്ട്രല് സ്കൂളിലെ അഞ്ച് കുട്ടികള്ക്കാണു സ്കൂള് വിട്ടുവരുമ്പോള് നായയുടെ കടിയേറ്റത്. ഫാബിയാനോ സെല് രാജന്(5), പ്രവിജാല്(6), മൈക്കിള് (8), അഭിജിത് (15), ജോസഫ് (16) എന്നിവര്ക്കാണു കടിയേറ്റത്. ഇതില് ഫാബിയാനോ സെല്രാജന്റെ പരിക്കു ഗുരുതരമാണ്. ഫാബിയാനോയെ ജനറല് ആശുപത്രിയില് എത്തിച്ചെങ്കിലും പരിക്കു ഗുരുതരമായതിനാല് മെഡിക്കല് കോളജ് ആശുപത്രിയിലേക്കു കൊണ്ടുപോയി.
കണ്ണിലും കവിളിലും ആഴത്തില് മുറിവേറ്റ ഫാബിയാനോയെ ശസ്ത്രക്രിയയ്ക്കു വിധേയനാക്കി. മറ്റു കുട്ടികളെ പുല്ലുവിള പ്രാഥമിക ആരോഗ്യകേന്ദ്രത്തില് പ്രാഥമിക ചികിത്സ നല്കി വിട്ടയച്ചു. പുല്ലുവിള സ്വദേശി രാജന്റെയും ഡയോണയുടെയും മകനാണ് ഫാബിയാനോ. പുല്ലുവിള പ്രദേശത്ത് നാളുകളായി തെരുവുനായ ആക്രമണം നിരന്തര സംഭവമാണെന്നു നാട്ടുകാര് പറയുന്നു. തെരുവുനായ്ക്കളെ ഉന്മൂലനം ചെയ്യണമെന്നും ഇവര് ആവശ്യപ്പെട്ടു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
