പ്രണയ നൈരാശ്യത്തെ തുടര്‍ന്ന് കോളേജ് വിദ്യാര്‍ത്ഥി ആത്മഹത്യ ചെയ്ത സംഭവത്തില്‍ രണ്ട് വര്‍ഷത്തിന് ശേഷം കാമുകന്‍ പിടിയില്‍. പെണ്‍കുട്ടിക്ക് വിവാഹ വാഗ്ദാനം നല്‍കി ഗള്‍ഫിലേക്ക് മുങ്ങിയ കോന്നി വകയാര്‍ സ്വദേശി ജിതിനാണ് പിടിയിലായത്. ജിതിന് ഭാര്യയും കുട്ടികളും ഉണ്ടെന്ന് അറിഞ്ഞതോടെ പെണ്‍കുട്ടി ആത്മഹത്യ ചെയ്യുകയായിരുന്നു. രണ്ട് വര്‍ഷത്തോളമായി ഗള്‍ഫിലും ദക്ഷിണാഫ്രിക്കയിലും ഒളിവില്‍ കഴിഞ്ഞിരുന്ന ജിതിന്‍ തിരിച്ച് നാട്ടിലെത്തിയപ്പോള്‍ വിമാനത്താവളത്തില്‍ വെച്ച് എമിഗ്രേഷന്‍ ഉദ്യോഗസ്ഥരാണ് കസ്റ്റഡിയിലെടുത്തത്.
2014 ലാണ് കേസിന് ആസ്പദമായ സംഭവം ഉണ്ടായത്. ജിതിനുമായി പ്രണയത്തിലായിരുന്ന പെണ്‍കുട്ടിയെ വീടിനുള്ളില്‍ മരിച്ച നിലയില്‍ കണ്ടെത്തുകയായിരുന്നു. ബസ് െ്രെഡവറായിരുന്നു ജിതിന്‍. പെണ്‍കുട്ടിയുമായി പരിചയത്തിലായ ജിതിന്‍ ബസ് തന്റെതാണെന്ന് പറഞ്ഞ് വിശ്വസിപ്പിച്ചു. മാതാപിതാക്കള്‍ വിദേശത്താണെന്ന് പറഞ്ഞ ജിതിന്‍ വിവാഹം കഴിക്കാമെനന്ന് ഉറപ്പ് നല്‍കുകയും ചെയ്തു. എന്നാല്‍ ജിതിന് ഭാര്യയും മക്കളും ഉണ്ടെന്ന് അറിഞ്ഞ പെണ്‍കുട്ടി ആത്മഹത്യ ചെയ്യുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha