മണക്കാട് പ്രസംഗത്തില്‍ പണ്ട് പുലിവാല് പിടിച്ച സിപിഎം ഇടുക്കി ജില്ലാസെക്രട്ടറി എംഎം മണി വീണ്ടും വിവാദത്തില്‍. എന്തുചെയ്യാനാ ആള്‍ക്കൂട്ടത്തിന്റെ ആവേശത്തില്‍ മൈക്ക് കാണുമ്പോള്‍ ടിയാന്‍ സര്‍വ്വവും മറക്കുകയല്ലേ. പൈനാവ് പോളിടെക്‌നിക്കിലെ വനിതാ പ്രിന്‍സിപ്പാളിനെ ആക്ഷേപിക്കുന്ന തരത്തില്‍ പ്രസംഗിച്ചതിന്റെ പേരില്‍ സി.പി.എം നേതാവ് എം.എം.മണിക്കെതിരെ കേസെടുത്തു. എസ്.എഫ്.ഐ പ്രവര്‍ത്തകര്‍ക്കെതിരെ പരാതി കൊടുത്തെന്ന പേരിലാണ് പ്രിന്‍സിപ്പാളിനെ അധിക്ഷേപിക്കുന്ന രീതിയില്‍ മണി പ്രസംഗം നടത്തിയത്.
വിവാദ പ്രസംഗം വിദ്യാര്‍ത്ഥികളെ കസ്റ്റഡിയിലെടുത്ത പോലീസ് നടപടികള്‍ക്കെതിരെ സംഘടിപ്പിച്ച പ്രതിഷേധ യോഗത്തിലായിരുന്നു നടന്നത്. ഇടുക്കി എസ്.ഐ തന്തയക്ക് പിറക്കാത്തവനാണെന്നും പൈനാവ് പോളിടെക്‌നിക്കിലെ പ്രിന്‍സിപ്പലിന് ഒരുമാതിരി സൂക്കേടാണെന്നുമാണ് മണി പ്രസംഗിച്ചത്.
എസ്.എഫ്.ഐ നടത്തിയ പഠിപ്പുമുടക്ക് സമരത്തില്‍ വിദ്യാര്‍ത്ഥികള്‍ പങ്കെടുത്തില്ലെന്ന പേരില്‍ ഉണ്ടായ സംഘര്‍ഷത്തെ തുടര്‍ന്നാണ് എസ്.എഫ്.ഐ പ്രവര്‍ത്തകരെ പോലീസ് കസ്റ്റഡിയിലെടുത്തത്.
എന്നാല്‍ നിലവില്‍ സംഭവത്തില്‍ ഖേദപ്രകടനവുമായി മണി ഇപ്പോള്‍ രംഗത്തെത്തിയിരിക്കുകയാണ്. ഇപ്പോള്‍ നാവുപിഴച്ചെന്നാണ് ഇദ്ദേഹത്തിന്റെ വാദം. സംഭവത്തില്‍ ഖേദം പ്രകടിപ്പിക്കുകയും ചെയ്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha