ഹൈക്കോടതി അഭിഭാഷകന്റെ ആത്മഹത്യ: പീഡന പരാതി ഉന്നയിച്ച സ്ത്രീയുടെ ഭര്ത്താവ് പൊലീസ് കസ്റ്റഡിയില്

ഹൈക്കോടതി അഭിഭാഷകന് പി ജി മനുവിന്റെ ആത്മഹത്യയുമായി ബന്ധപ്പെട്ട് പീഡന പരാതി ഉന്നയിച്ച യുവതിയുടെ ഭര്ത്താവിനെ പൊലീസ് കസ്റ്റഡിയിലെടുത്തു. എറണാകുളം പിറവത്ത് ഒളിവില് കഴിയുകയായിരുന്ന പ്രതിയെ കൊല്ലം വെസ്റ്റ് പൊലീസ് കസ്റ്റഡിയില് എടുക്കുകയായിരുന്നു. ഇയാളുടെ നിരന്തര പ്രേരണയിലാണ് പി.ജി മനു തൂങ്ങിമരിച്ചതെന്ന സംശയത്തിന്റെ അടിസ്ഥാനത്തിലാണ് നടപടി.
പി ജി മനുവിന്റെ സമൂഹ മാധ്യമങ്ങളില് പ്രചരിച്ച വീഡിയോ പകര്ത്തിയത് ഇയാളെന്നാണ് പൊലീസ് കണ്ടെത്തിയത്. നിയമസഹായം തേടിയെത്തിയ അതിജീവിതയെ പീഡിപ്പിച്ചെന്ന കേസില് പ്രതിയായിരുന്നു മുന് ഗവണ്മെന്റ് പ്ലീഡര് കൂടിയായ പി.ജി മനു. കര്ശന വ്യവസ്ഥയോടെ ജാമ്യത്തില് തുടരവെയാണ് മറ്റൊരു യുവതി പിജി മനുവിനെതിരെ ലൈംഗിക പീഡന ആരോപണം ഉയര്ത്തിയ്.
തുടര്ന്ന്പിജി മനു യുവതിയുടെ കുടുംബത്തോട് മാപ്പ് ചോദിക്കുന്നുവെന്ന തരത്തില് സമൂഹ മാധ്യമങ്ങളില് വീഡിയോ പ്രചരിച്ചിരുന്നു. വീഡിയോ കൊല്ലം വെസ്റ്റ് പൊലീസ് വിശദമായി പരിശോധിച്ചിരുന്നു. ഇതേ തുടര്ന്നുള്ള മാനസീക സമ്മര്ദ്ദമാണ് മനുവിനെ ആത്മഹത്യയിലേക്ക് നയിച്ചതെന്നാണ് പൊലീസിന്റെ നിഗമനം.
https://www.facebook.com/Malayalivartha

























