പൂന്തുറയിൽ  എം.ഡി.എം.എ വില്‍പ്പന നടത്തിയ കേസിൽ  പൂന്തുറ പോലീസ് കുറ്റപത്രം സമർപ്പിച്ചു. തിരുവനന്തപുരം ജില്ലാ സെഷൻസ് കോടതിയിലാണ് കുറ്റപത്രം സമർപ്പിച്ചത്.

 

വള്ളക്കടവ് ചീലാന്തിമുക്ക് സ്വദേശി സദക്കത്തലിക്ക് (26) എതിരെയാണ് കുറ്റപത്രം സമർപ്പിച്ചത്. 2024 നവംബർ 18 നാണ് പൂന്തുറ എസ്.ഐ വി.സുനിലും സംഘവും അമ്പലത്തറ ഷൂട്ടിങ് മുടുക്കില്‍ നിന്ന് ഇയാളെ അറസ്റ്റുചെയ്തത്.

സിബ് ലോക്ക് കവറുകളില്‍ സൂക്ഷിച്ചിരുന്ന നാലുഗ്രാം മയക്കുമരുന്നാണ് പിടിച്ചെടുത്തത്. ഒരു കവറിന് 3000 രൂപ നിരക്കിലാണ് വില്‍പ്പന നടത്തുകയെന്ന് പോലീസ് കുറ്റപത്രത്തിൽ പറയുന്നു. ഇത്തരത്തില്‍ വില്‍പ്പന നടത്തിയ ഇനത്തില്‍ 5000 രൂപയും ഇയാളുടെ പക്കല്‍ നിന്ന് കണ്ടെടുത്തതായും കുറ്റപത്രത്തിലുണ്ട്.   

2025 ജനുവരി 18 ന് നടന്ന  പൊഴിയൂർ ലഹരിക്കടത്ത് കേസിൽ നിലവിൽ സദക്കലിയെ  റിമാൻ്റ് തടവുകാരനായി ജില്ലാ ജയിലിൽ പാർപ്പിച്ചിരിക്കുകയാണ്.

"