കോട്ടയം തിരുവാതുക്കല് വ്യവസായിയായ വിജയകുമാറിനെയും ഭാര്യ മീരയെയും കൊന്ന കേസിലെ പ്രതി പിടിയില്...

കോട്ടയം തിരുവാതുക്കല് വ്യവസായിയായ വിജയകുമാറിനെയും ഭാര്യ മീരയെയും കൊന്ന കേസിലെ പ്രതി പിടിയില്. മാളയ്ക്ക് സമീപമുള്ള ഒരു കോഴി ഫാമില് നിന്നാണ് അസം സ്വദേശിയായ അമിത് ഉറാങ്ങിനെ പിടികൂടിയത്. ഗാന്ധിനഗര് പൊലീസ് മാള പൊലീസിന്റെ സഹായത്തോടെ പുലര്ച്ചയാണ് പ്രതിയെ പിടികൂടിയത്.
അസം സ്വദേശികള് കൂട്ടത്തോടെ താമസിക്കുന്ന സ്ഥലത്ത് നിന്നാണ് പ്രതിയെ പിടികൂടിയതെന്ന് പൊലീസ് . വൈരാഗ്യമാണ് കൊലയ്ക്ക് പിന്നിലെന്ന നിഗമനത്തിലാണ് പൊലീസ്.വിജയകുമാറിനെയും ഭാര്യ മീരയെയും കൊല്ലാന് ഉപയോഗിച്ച കോടാലിയിലെ ഫിംഗര് പ്രിന്റ് അമിതിന്റേത് തന്നെയാണെന്ന് തെളിഞ്ഞിട്ടുണ്ട്.
അമിത് മോഷണ കേസില് അറസ്റ്റിലായപ്പോള് ശേഖരിച്ച ഫിംഗര് പ്രിന്റ്റും കോടലിയിലെ ഫിംഗര് പ്രിന്റ് മാച്ച് ചെയ്തിരുന്നു. വീടിന്റെ കതകിലും വീടിനുള്ളിലും അടക്കം വിവിധ സ്ഥലങ്ങളില് ഫിംഗര് പ്രിന്റ് പതിഞ്ഞിട്ടുായിരുന്നു. വിരലടയാള വിദഗ്ധരുടെ വിശദമായ പരിശോധനയിലാണ് ഇത് സ്ഥിരീകരിച്ചത്.
ആസൂത്രിതമായി നടപ്പിലാക്കിയ കൊലപാതകമാണെന്നാണ് വിലയിരുത്തപ്പെടുന്നത്. കൊലപാതകം നടത്താനായി അമിത് ദിവസങ്ങള് ആസൂത്രണം നടത്തിയെന്നാണ് പൊലീസിന്റെ കണ്ടെത്തല്. അതിക്രൂരമാണ് രീതിയിലായിരുന്നു കൊലപാതകം നടന്നത്.
"
https://www.facebook.com/Malayalivartha

























