ടൗണില്‍ റോഡ് മുറിച്ച് കടക്കാന്‍ ശ്രമിക്കുകയായിരുന്ന വയോധിക കാര്‍ ഇടിച്ച് മരിച്ചു. കോതമംഗലം ആയക്കാട് തേലക്കാട് വീട്ടില്‍ വര്‍ഗീസ്‌കുട്ടിയുടെ ഭാര്യ ലില്ലിയാണ് (66)മരിച്ചത്.

തിങ്കളാഴ്ച പുലര്‍ച്ചെ 5.15ഓടെ ദേശീയപാതയില്‍ അങ്കമാലി കെ. എസ്.ആര്‍.ടി.സി ബസ് സ്റ്റാഡിന് സമീപമായിരുന്നു അപകടം നടന്നത്. വടക്കാഞ്ചേരിയിലേക്ക് പോകുന്നതിന് വാഹനത്തില്‍ കയറുന്നതിനായി റോഡ് മുറിച്ച് കടക്കുന്നതിനിടെയായിരുന്നു അപകടം. അവശനിലയിലായ ലില്ലിയെ അങ്കമാലി എല്‍.എഫ് ആശുപത്രിയിലെത്തിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല.

കോതമംഗലം ക്ലാരിയേലില്‍ അച്ചായത്ത് കുടുംബാംഗമാണ്. മക്കള്‍: ജിജോ (സൗദി), സിജോ (അയര്‍ലന്‍ഡ്). മരുമക്കള്‍: തിരുവല്ല മല്ലപ്പിള്ളി കുറ്റപ്പുഴ കുടുംബാംഗം ജീന (സൗദി), കാക്കനാട് തടിയേലത്ത് കുടുംബാംഗം ജിബിയ (അയര്‍ലന്‍ഡ്). സംസ്‌ക്കാരം പിന്നീട്. നടക്കും.