ടെലികോം കമ്പനിയായ വൊഡാഫോണ്‍ കോടികളുടെ നികുതി വെട്ടിപ്പ് നടത്തിയതായി കണ്ടെത്തിയതിനെ തുടര്‍ന്ന് ആദായ നികുതി വകുപ്പ് വൊഡാഫോണിന് നോട്ടീസയച്ചു. 14,000 കോടി രൂപയുടെ നികുതി വെട്ടിപ്പാണ് ആദായ നികുതി വകുപ്പ് കണ്ടെത്തിയത്. നികുതി അടക്കാന്‍ തയ്യാറായില്ലെങ്കില്‍ വൊഡാഫോണിന്റെ സ്വത്തുക്കള്‍ മരവിപ്പിക്കുമെന്ന് അധികൃതര്‍ മുന്നറിയിപ്പ് നല്‍കി.

ഇന്ത്യന്‍ ടെലികോം രംഗത്തേക്ക് വൊഡാഫോണ്‍ കടന്നുവന്ന 2007 ല്‍ നടന്ന വെട്ടിപ്പിലാണ് ഇപ്പോള്‍ നടപടി. ഇന്ത്യന്‍ കമ്പനിയുടെ ആസ്തികള്‍ സ്വന്തമാക്കുമ്പോള്‍ സര്‍ക്കാരിലേക്ക് നികുതിയടക്കണം എന്ന നിയമം ലഘിച്ചുവെന്ന് കാട്ടിയാണ് നടപടി. ഇതുസംബന്ധിച്ച തര്‍ക്കം നിലവില്‍ രാജ്യാന്തര മധ്യസ്ഥതയില്‍ തീര്‍പ്പാക്കാനുള്ള ശ്രമങ്ങള്‍ നടക്കുകയാണെന്ന് വൊഡാഫോണ്‍ അധികൃതര്‍ പറഞ്ഞു. ഇതിനിടയിലാണ് ആദായ നികുതി വകുപ്പ് നോട്ടീസ് അയച്ചിരിക്കുന്നതെന്ന് അവര്‍ ആരോപിച്ചു. രാജ്യത്ത് നിക്ഷേപ, വ്യവസായ സൗഹൃദാന്തരീക്ഷം സൃഷ്ടിക്കുമെന്ന പ്രധാനമന്ത്രി നരേന്ദ്ര മോദിയുടെ വാഗ്ദാനം തങ്ങള്‍ക്ക് തിരിച്ചടിയായെന്നും വൊഡാഫോണ്‍ അധികൃതര്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha