വൈദ്യുതി മുടക്കത്തെ കുറിച്ച് വൈദ്യുതി മന്ത്രിയോട് പരാതി പറഞ്ഞ വ്യാപാരി അറസ്റ്റില്‍
പതിവായുള്ള വൈദ്യുതി മുടക്കത്തെ കുറിച്ച് വൈദ്യുതി മന്ത്രിയോട് പരാതി പറഞ്ഞ ചെറുകിട വ്യാപാരി അറസ്റ്റില്‍. മാംഗളൂര്‍ സ്വദേശിയായ ചെറുകിട വ്യവസായി സായി ഗിരിധര്‍ റായിയാണ് വൈദ്യൂതി മുടങ്ങുന്നതിനെ കുറിച്ച് പരാതിപ്പെട്ട് ജയിലിലായത്. വൈദ്യുതിമന്ത്രി ഡി.കെ ശിവകുമാറാണ് പരാതിക്കാരനെതിരെ ഇത്തരമൊരു നടപടി സ്വീകരിച്ചത്.
ഞായറാഴ്ചയാണ് ഗിരിധര്‍ മന്ത്രിയുടെ ഫോണില്‍ നേരിട്ട് വിളിച്ച് തന്റെ പരാതി ബോധിപ്പിച്ചത്. എന്നാല്‍, പരാതി മുഴുവന്‍ കേള്‍ക്കാന്‍ കൂട്ടാക്കാതിരുന്ന മന്ത്രി തന്നെ ചീത്തവിളിക്കുകയായിരുന്ന് ഗിരിധര്‍ പറയുന്നു. ഇതോടെ ഇരുവരും തമ്മില്‍ രൂക്ഷമായ വാക്‌പോരാട്ടം നടന്നു.
ഇതിനു ശേഷം പ്രാദേശിക വൈദ്യുതി ഓഫീസറെ വിളിച്ച വൈദ്യുതിമന്ത്രി, ഗിരിധറിനെ ക്രിമിനല്‍ കേസെടുത്ത് അറസ്റ്റുചെയ്യാന്‍ നിര്‍ദേശിക്കുയായിരുന്നു. ഇതിന്റെ അടിസ്ഥാനത്തില്‍ സുപ്രീംകോടതി മാര്‍ഗ്ഗനിര്‍ദേശങ്ങള്‍ അവഗണിച്ച് അര്‍ധരാത്രി വീട്ടില്‍ അതിക്രമിച്ചു കയറിയാണ് ഗിരിധറിനെ പോലീസ് അറസ്റ്റുചെയ്തത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
