സംസ്ഥാനത്ത് ഇന്നുമുതല് മഴ വീണ്ടും ശക്തമാകാന് സാധ്യത...

ഇന്നുമുതല് സംസ്ഥാനത്ത് മഴ വീണ്ടും ശക്തമാകാന് സാധ്യത. വരും ദിവസങ്ങളില് വടക്കന് കേരളത്തിലാണ് ഒറ്റപ്പെട്ട ശക്തമായ മഴയ്ക്ക് സാധ്യതയുള്ളത്. ജാഗ്രതയുടെ ഭാഗമായി വിവിധ ജില്ലകളില് കേന്ദ്ര കാലാവസ്ഥ വകുപ്പ് ജാഗ്രതാ നിര്ദേശവും നല്കി.
ന്യൂനമര്ദ്ദം ഝാര്ഖണ്ഡിന് മുകളിലായാണ് സ്ഥിതിചെയ്യുന്നത്. ഇതിന്റെ സ്വാധീനഫലമായി സംസ്ഥാനത്ത് അടുത്ത അഞ്ചുദിവസം മഴയ്ക്ക് സാധ്യതയുണ്ടെന്ന്് കാലാവസ്ഥ വകുപ്പിന്റെ മുന്നറിയിപ്പ്്. ശനിയാഴ്ച വരെ ഒറ്റപ്പെട്ട സ്ഥലങ്ങളില് ശക്തമായ മഴയ്ക്കും സാധ്യത. വ്യാഴാഴ്ച വരെ മണിക്കൂറില് പരമാവധി 40 മുതല് 50 കിലോമീറ്റര് വരെ വേഗത്തില് ശക്തമായ കാറ്റിനും സാധ്യതയുള്ളതിനാല് ജാഗ്രത പാലിക്കണമെന്നും മുന്നറിയിപ്പ്.
ഇന്ന് കോഴിക്കോട്, കണ്ണൂര്, കാസര്കോട് ജില്ലകളിലാണ് ഒറ്റപ്പെട്ട ശക്തമായ മഴ പ്രവചിക്കുന്നത്. ജാഗ്രതയുടെ ഭാഗമായി ഈ ജില്ലകളില് യെല്ലോ അലര്ട്ട് പ്രഖ്യാപിച്ചു. വ്യാഴാഴ്ച കണ്ണൂര്, കാസര്കോട് ജില്ലകളിലും വെള്ളിയാഴ്ച എറണാകുളം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലും ശനിയാഴ്ച കണ്ണൂര്, കാസര്കോട് ജില്ലകളിലുമാണ് മഴ മുന്നറിയിപ്പ് നല്കിയിട്ടുള്ളത്.
https://www.facebook.com/Malayalivartha

























