കരാറുകളുടെ മുഴുവന് രേഖകളും പുറത്തുവിടണമെന്നും ജുഡീഷ്യല് അന്വേഷണം വേണമെന്നും പിണറായി വിജയന്

മുഖ്യമന്ത്രി ഡല്ഹിയില് നടത്തിയ പത്രസമ്മേളനം ദുരൂഹത വര്ദ്ധിപ്പിക്കുന്നുവെന്ന് പ്രതിപക്ഷ നേതാവ് പിണറായി വിജയന്. ടെണ്ടറില് ആരും പങ്കെടുത്തില്ലെന്നും കുറഞ്ഞ നിരക്കില് വൈദ്യുതി ലഭ്യമായിരുന്നില്ലെന്നുമുള്ള വാദങ്ങള് വസ്തുതകളുമായി പൊരുത്തപ്പെടുന്നതല്ലെന്ന് പിണറായി വിജയന് ഫേസ്ബുക്ക് പോസ്റ്റില് ചൂണ്ടിക്കാട്ടി. വി.ഇ.എച്ച്. ഗ്ലോബല് കമ്പനിയുമായുള്ള അഴിമതിക്കരാറിനെ കുറിച്ചുള്ളതായിരുന്നു മുഖ്യമന്ത്രിയുടെ പത്രസമ്മേളനം.
ഒക്ടോബറിലെ പീക്ക് വൈദ്യുതിക്കായുള്ള അടുത്ത ടെണ്ടര് തുറന്നത് സെപ്റ്റംബര് 25നാണ്. എന്നാല് അതിന് മുമ്പ് സെപ്റ്റംബര് 23 ന് തന്നെ വി.ഇ.എച്ചുമായി കരാര് ഒപ്പിട്ടു. സെപ്റ്റംബര് 14ന് പ്രസിദ്ധീകരിച്ച് 25 ന് തുറന്ന ടെണ്ടറില് ഒക്ടോബര് പീക്ക് ഉള്പ്പെടുത്തിയിട്ടും ആരും ഓഫര് നല്കിയില്ലെന്നാണ് മുഖ്യമന്ത്രിയുടെ ഓഫീസിന്റെ വിശദീകരണം. പക്ഷേ, 25 ന് തുറക്കുന്ന ടെണ്ടറില് ആരും ഓഫര് നല്കില്ലെന്ന് 23 ന് കരാര് ഒപ്പിടുമ്പോള് എങ്ങനെ മനസിലായെന്നും പിണറായി വിജയന് ചോദിച്ചു. ജി.എന്.എ, വി.ഇ.എച്ച്, ഹിമാചല് കരാറുകളുടെ മുഴുവന് രേഖകളും പുറത്തുവിടാനും ജുഡീഷ്യല് അന്വേഷണം പ്രഖ്യാപിക്കാനും സര്ക്കാര് തയ്യാറാകണമെന്നും പ്രതിപക്ഷ നേതാവ് ആവശ്യപ്പെട്ടു.
പ്രതിപക്ഷ നേതാവിന്റെ ഫേസ്ബുക്ക് പോസ്റ്റ്
വി.ഇ.എച്ച്. ഗ്ലോബല് കമ്പനിയുമായുള്ള അഴിമതിക്കരാറിനെ വെള്ളപൂശാന് മുഖ്യമന്ത്രി ഡല്ഹിയില് നടത്തിയ പത്രസമ്മേളനം ദുരൂഹത വര്ദ്ധിപ്പിക്കുകയാണ്. ടെണ്ടറില് ആരും പങ്കെടുത്തില്ലെന്നും കുറഞ്ഞ നിരക്കില് വൈദ്യുതി ലഭ്യമായിരുന്നില്ലെന്നുമുള്ള വാദങ്ങള് വസ്തുതകളുമായി പൊരുത്തപ്പെടുന്നതല്ല.
2026 സെപ്റ്റംബര് 10ന് തുറന്ന ടെണ്ടര് ഒക്ടോബറിലെ പീക്ക് വൈദ്യുതിക്കായിരുന്നില്ല; ഒക്ടോബര് മുതല് മെയ് വരെയുള്ള രാത്രികാല വൈദ്യുതിക്കും മാര്ച്ച് മെയ് പീക്ക് സമയത്തേക്കുമുള്ളതായിരുന്നു. ആഗസ്റ്റ് 20ന് ഡീപ്പ് പോര്ട്ടലില് പ്രസിദ്ധീകരിച്ച ഈ ടെണ്ടറില് 19 കമ്പനികള് പങ്കെടുത്തതായി വൈദ്യുതി റഗുലേറ്ററി കമ്മീഷന്റെ 29102026ലെ ഉത്തരവില് (പെറ്റീഷന് 42/2026) വ്യക്തമാക്കിയിട്ടുണ്ട്.
ഒക്ടോബറിലെ പീക്ക് വൈദ്യുതിക്കായുള്ള അടുത്ത ടെണ്ടര് തുറന്നത് സെപ്റ്റംബര് 25നാണ്. എന്നാല് അതിന് മുമ്പ്, സെപ്റ്റംബര് 23ന് തന്നെ വി.ഇ.എച്ചുമായി കരാര് ഒപ്പിട്ടു. സെപ്റ്റംബര് 14ന് പ്രസിദ്ധീകരിച്ച് 25ന് തുറന്ന ടെണ്ടറില് ഒക്ടോബര് പീക്ക് ഉള്പ്പെടുത്തിയിട്ടും ആരും ഓഫര് നല്കിയില്ലെന്നാണ് മുഖ്യമന്ത്രിയുടെ ഓഫീസിന്റെ ന്യായീകരണം. പക്ഷേ, 25ന് തുറക്കുന്ന ടെണ്ടറില് ആരും ഓഫര് നല്കില്ലെന്ന് 23ന് കരാര് ഒപ്പിടുമ്പോള് എങ്ങനെ മനസ്സിലായി? വി.ഇ.എച്ച് കരാറിന് ന്യായീകരണം ഉണ്ടാക്കാനാണ് സെപ്റ്റംബര് 14ലെ ടെണ്ടറില് ഒക്ടോബര് പീക്ക് ഉള്പ്പെടുത്തിയതെന്ന് സംശയിക്കാന് ന്യായമായ കാരണങ്ങളുണ്ട്.
ഒക്ടോബറിലെ പീക്ക് സമയത്തേക്ക് ആവശ്യമായ വൈദ്യുതി കെ.എസ്.ഇ.ബി നേരത്തെ ഉറപ്പാക്കിയിരുന്നു. മൂന്ന് കരാറുകളിലൂടെ 788 മെഗാവാട്ടും സ്വാപ്പ് കരാര് കാലാവധി കഴിഞ്ഞതിലൂടെ 300 മെഗാവാട്ടും ഉള്പ്പെടെ 1088 മെഗാവാട്ട് ലഭ്യമായിരുന്നു. യാതൊരു പ്രതിസന്ധിയുമില്ലാതിരുന്ന സമയത്താണ്, കാറ്റുണ്ടെങ്കില് മാത്രം ലഭിക്കുന്ന കാറ്റാടി വൈദ്യുതിക്കായി അമിതവിലയ്ക്ക് ഈ കൊള്ളക്കരാര് ഒപ്പുവെച്ചത്. വി.ഇ.എച്ച് ഗ്ലോബലില് നിന്ന് കരാര് പ്രകാരമുള്ള വൈദ്യുതി കിട്ടാതിരുന്നിട്ടും
ഒക്ടോബറില് കേരളത്തില് വൈദ്യുതി പ്രതിസന്ധിയുണ്ടായില്ലെന്നത് കരാര് അനാവശ്യമായിരുന്നു എന്നതിന് തെളിവാണ്.
കാറ്റിന്റെ ലഭ്യത കുറഞ്ഞതുകൊണ്ട് മാത്രം കൊള്ള പ്രതീക്ഷിച്ച രീതിയില് നടക്കാതെ പോയതിനെ ന്യായീകരണമാക്കുകയാണ് മുഖ്യമന്ത്രി. വി.ഇ.എച്ച് ഗ്ലോബലിന്റെ ഉടമസ്ഥരായ കചഛതഏഎഘ സെബി അന്വേഷണവും കേന്ദ്ര വൈദ്യുതി റഗുലേറ്ററി കമ്മീഷന് നടപടികളും നേരിടുന്ന കമ്പനിയാണ്. തൊടുന്യായങ്ങള് മാറ്റിവെച്ച് ജി.എന്.എ, വി.ഇ.എച്ച്, ഹിമാചല് കരാറുകളുടെ മുഴുവന് രേഖകളും പുറത്തുവിടാനും ജുഡീഷ്യല് അന്വേഷണം പ്രഖ്യാപിക്കാനും സര്ക്കാര് തയ്യാറാകണം.
https://www.facebook.com/Malayalivartha

























