ഡ്രൈ ഡേയില്‍ വ്യാജനും വിദേശിയുമടക്കം 71 ലിറ്റര്‍ മദ്യവുമായി 3 പേര്‍ പിടിയില്‍
സംസ്ഥാനത്ത് വിവിധയിടങ്ങളില്‍ നടന്ന പരിശോധനകളില്‍ അനധികൃത വില്‍പ്പനയ്ക്കായി സൂക്ഷിച്ച മദ്യ ശേഖരം പിടികൂടി. ഡ്രൈ ഡേയില്‍ മൂന്ന് പേരില്‍ നിന്നായി 71 ലിറ്റര്‍ മദ്യമാണ് എക്‌സൈസ് പിടിച്ചെടുത്തത്. പത്തനംതിട്ടയില്‍ 40 ലിറ്റര്‍ മദ്യവുമായാണ് ഒരാള്‍ പിടിയിലായത്. കടമ്പനാട് പറമല സ്വദേശിഅഭിലാഷിനെ(25 ) ആണ് 25 ലിറ്റര്‍ വ്യാജമദ്യവും 15 ലിറ്റര്‍ ഇന്ത്യന്‍ നിര്‍മ്മിത വിദേശമദ്യവും ഉല്‍പ്പെടെ 40 ലിറ്റര്‍ മദ്യവുമായി എക്‌സൈസ് സംഘം അറസ്റ്റ് ചെയ്തത്.
എക്‌സൈസ് നാര്‍ക്കോട്ടിക് സെല്ലിലെ എക്‌സൈസ് ഇന്‍സ്‌പെക്ടര്‍ ജി.അജികുമാറിന്റെ നേതൃത്വത്തില്‍ അസിസ്റ്റന്റ് എക്‌സൈസ് ഇന്‍സ്‌പെക്ടര്‍(ഗ്രേഡ്) മനോജ്.എസ്, പ്രിവന്റീവ് ഓഫീസര്‍(ഗ്രേഡ്) ഗിരീഷ്.ബി.എല്‍, സിവില്‍ എക്‌സൈസ് ഓഫീസര്‍മാരായ കൃഷ്ണകുമാര്‍, അജിത്, അഭിജിത്ത്, രാഹുല്‍, വനിതാ സിവില്‍ എക്‌സൈസ് ഓഫീസര്‍ സുബ്ബലക്ഷ്മി, ഹസീല, സിവില്‍ എക്‌സൈസ് ഓഫീസര്‍ ഡ്രൈവര്‍ ശ്രീജിത്ത് എന്നിവരടങ്ങിയ സംഘമാണ് അഭിലാഷിനെ പിടികൂടിയത്.
കോട്ടയം മാറിയപ്പള്ളിയില്‍ വില്‍പ്പനയ്ക്കായി കൈവശം സൂക്ഷിച്ച 16 ലിറ്റര്‍ ഇന്ത്യന്‍ നിര്‍മ്മിത വിദേശ മദ്യവുമായി മനോജ്.ടി.കെ(43 വയസ്) എന്നയാള്‍ പിടിയിലായി. അസിസ്റ്റന്റ് എക്‌സൈസ് ഇന്‍സ്‌പെക്ടര്‍ ആനന്ദ് രാജ്.ബി യുടെ നേതൃത്വത്തില്‍ നടന്ന പരിശോധനയില്‍ ഐബി അസിസ്റ്റന്റ് എക്‌സൈസ് ഇന്‍സ്‌പെക്ടര്‍ രാജേഷ്.എസ് കോട്ടയം എക്‌സൈസ് സര്‍ക്കിള്‍ ഓഫീസിലെ പ്രിവന്റീവ് ഓഫീസര്‍മാരായ അനീഷ് രാജ്.കെ.ആര്‍, നിഫി ജേക്കബ്, സിവില്‍ എക്‌സൈസ് ഓഫീസര്‍ വിനോദ് കുമാര്‍.വി, സിവില്‍ എക്‌സൈസ് ഓഫീസര്‍ ഡ്രൈവര്‍ സുരേഷ് ബാബു എന്നിവരും പങ്കെടുത്തു.
ആലപ്പുഴ എക്‌സൈസ് റേഞ്ചിലെ അസിസ്റ്റന്റ് എക്‌സൈസ് ഇന്‍സ്‌പെക്ടര്‍ ഫാറുക്ക് അഹമ്മദിന്റെ നേതൃത്വത്തില്‍ നടന്ന റെയ്ഡില്‍ 15 ലിറ്റര്‍ ഇന്ത്യന്‍ നിര്‍മ്മിത വിദേശ മദ്യവുമായി ആലപ്പുഴ പടിഞ്ഞാറ് ബിനോനി എന്ന യുവാവ് അറസ്റ്റിലായി. അസിസ്റ്റന്റ് എക്‌സൈസ് ഇന്‍സ്‌പെക്ടര്‍ന്മാരായ മനോജ് കുമാര്‍.വി.കെ, സന്തോഷ് കുമാര്‍.വി, സിവില്‍ എക്‌സൈസ് ഓഫീസര്‍ന്മാരായ സുര്‍ജിത്ത്, രതീഷ്, വനിത സിവില്‍ എക്‌സൈസ് ഓഫീസര്‍ അനിമോള്‍ എന്നിവരും റെയ്ഡില്‍ പങ്കെടുത്തു.
https://www.facebook.com/Malayalivartha
