വയനാട് ഉരുള്‍പൊട്ടല്‍ ദുരന്തബാധിതര്‍ക്ക് പണിതുനല്‍കാമെന്ന് പറഞ്ഞ മൂന്ന് വീടുകള്‍ എവിടെ എന്ന് ചോദിച്ചവര്‍ക്ക് മറുപടിയുമായി അഖില്‍ മാരാര്‍. ഫേസ്ബുക്ക് വീഡിയോയിലൂടെയായിരുന്നു പ്രതികരണം.

'മന്ദബുദ്ധികളായ അന്തംകമ്മികള്‍ക്ക് യാതൊരു വിവരവും ഇല്ലാത്തതുകൊണ്ട് അവരുടെ ആരോപണങ്ങള്‍ക്ക് മറുപടി പറയേണ്ടതില്ല എന്നാണ് കരുതിയത്. പക്ഷേ കഴിഞ്ഞ കുറച്ച് ദിവസമായി ഫേസ്ബുക്ക് വീഡിയോകളിലും പോസ്റ്റുകളിലുമായി ഇങ്ങനെ ചോദിച്ചുകൊണ്ടിരിക്കുകയാണ്. അഖില്‍ മാരാര്‍ വയനാട്ടില്‍ വച്ചുകൊടുക്കാമെന്ന് പറഞ്ഞ മൂന്ന് വീടുകള്‍ എവിടെ എന്നാണ് അവര്‍ ചോദിക്കുന്നത്. നികുതിപ്പണത്തിന് പുറമെ ദുരന്തം വന്ന സമയത്ത് അതിനെ വിറ്റ് കാശാക്കുക എന്ന ലക്ഷ്യത്തോടെ ഒരു മുഖ്യമന്ത്രി പിരിവ് നടത്തി അക്കൗണ്ടിലേയ്ക്ക് എത്തിച്ച 5000 കോടി രൂപ ക്രമരഹിതമായി വിനിയോഗിച്ചു എന്ന് വന്നപ്പോഴാണ് ഞാന്‍ പ്രതിഷേധിച്ചത്. കേരളത്തിലെ എല്ലാ ജനങ്ങളും ഈ ദുരന്തന്റെ ഭരണം കാരണം നശിച്ച് നാറാണക്കല്ലെടുത്ത് കിടക്കുകയാണ്.

അന്ന് ഞാന്‍ പറഞ്ഞു, മുഖ്യമന്ത്രിയുടെ ദുരിതാശ്വാസ നിധിയിലേയ്ക്ക് പണം കൊടുക്കുന്നില്ല, പകരം വീടുവച്ച് കൊടുക്കാമെന്ന്. ഒരു വീട് വച്ചുകൊടുക്കാം, അതല്ല കൊല്ലത്തേയ്ക്ക് വരികയാണെങ്കില്‍ മൂന്ന് വീടുവച്ച് കൊടുക്കാം എന്നും പറഞ്ഞു. എന്റെ സുഹൃത്ത് 30 സെന്റ് ഇതിനുവേണ്ടി തരാമെന്ന് പറഞ്ഞിരുന്നു. ഞാന്‍ വയനാട്ടില്‍ പോയി ആക്ഷന്‍ കൗണ്‍സിലിനോട് സംസാരിക്കുകയും അര്‍ഹതപ്പെട്ട ആര്‍ക്കെങ്കിലും സര്‍ക്കാരിന്റെ വീട് കിട്ടാതെ വന്നാല്‍ ഉറപ്പായും ഞാന്‍ വീട് വച്ചുകൊടുക്കാമെന്ന് പറയുകയും ചെയ്തു. ഇതൊന്നും അറിയാതെ ആണ് അന്തംകമ്മികള്‍ ചോദ്യവും കൊണ്ട് വരുന്നത്.

സ്വന്തം കാശില്‍ വച്ചുകൊടുക്കാമെന്ന് പറഞ്ഞ വീട് വച്ചുകൊടുത്തില്ലെങ്കില്‍ നിനക്കൊക്കെ എന്നെ എന്തുചെയ്യാന്‍ പറ്റും. കേസ് കൊടുക്കാനോ കോടതിയില്‍ പോകാനോ പറ്റുമോ? ഒരു കോപ്പും പറ്റില്ല. പക്ഷേ നാട്ടുകാരുടെ കയ്യില്‍ നിന്ന് പിരിച്ചത് പുട്ടടിച്ചാല്‍ മുഖ്യമന്ത്രിയെ ഉള്‍പ്പെടെ കോടതി കയറ്റും. 100 വീട് വച്ചുകൊടുക്കാമെന്ന് പറഞ്ഞ ബോബി ചെമ്മണ്ണൂരിനോട് നീയൊക്കെ എന്താണ് ചോദിക്കാത്തത്. സര്‍ക്കാരിന്റെ കയ്യില്‍ കോടിക്കണക്കിന് രൂപയിരിക്കെ അവിടെച്ചെന്ന് വീട് വച്ചുകൊടുക്കാന്‍ എനിക്കെന്താ ഭ്രാന്താണോ?' എന്നാണ് അഖില്‍ മാരാര്‍ വീഡിയോയില്‍ പറഞ്ഞത്.