അരുന്ധതി റോയിയുടെ പുസ്തകത്തിനെതിരെ ഹൈക്കോടതിയില് ഹര്ജി
എഴുത്തുകാരി അരുന്ധതി റോയിയുടെ 'മദര് മേരി കംസ് ടു മി' എന്ന പുതിയ പുസ്തകം വിവാദത്തില്. പുസ്തകത്തിന്റെ കവര് ചിത്രത്തില് പുകവലിക്കുന്ന എഴുത്തുകാരിയുടെ ചിത്രം നിയമപരമായ മുന്നറിയിപ്പില്ലാതെ പ്രസിദ്ധീകരിച്ചതാണ് വിവാദത്തിന് കാരണമായത്. ഇതിനെത്തുടര്ന്ന് പുസ്തകത്തിന്റെ പുറം ചട്ടയിലെ ചിത്രം നിയമലംഘനമാണെന്ന് ചൂണ്ടിക്കാട്ടി കേരള ഹൈക്കോടതിയില് ഹര്ജി സമര്പ്പിച്ചിരിക്കുയാണ് അഭിഭാഷകനായ രാജസിംഹന്.
ഹര്ജിയില്, പുസ്തകം പ്രസിദ്ധീകരിച്ചവര്ക്കും കേന്ദ്രസര്ക്കാരിനും കോടതി നോട്ടീസ് അയച്ചു. പുകയില ഉത്പന്നങ്ങള് ഉപയോഗിക്കുമ്പോള് നല്കേണ്ട നിയമപരമായ മുന്നറിയിപ്പ് പുസ്തകത്തിന്റെ കവറില് ഇല്ലെന്ന് ഹര്ജിക്കാരന് ചൂണ്ടിക്കാട്ടി. ഈ ചിത്രം പുകവലിക്ക് നേരിട്ടും അല്ലാതെയും പ്രോത്സാഹനം നല്കുന്നുവെന്നാണ് അദ്ദേഹത്തിന്റെ പ്രധാന വാദം.
ഹര്ജിയില് ഉന്നയിച്ചിട്ടുള്ള കാര്യങ്ങള് ബന്ധപ്പെട്ട അധികാരികള് പരിശോധിക്കണമെന്ന് കോടതി ആവശ്യപ്പെട്ടു. കൂടാതെ, ഈ വിഷയത്തില് ഹര്ജിക്കാരന് നേരത്തെ അധികൃതര്ക്ക് പരാതി നല്കിയിരുന്നോ എന്നും കോടതി അന്വേഷിച്ചു. കൂടുതല് വാദം കേള്ക്കാന് ഹര്ജി പിന്നീട് പരിഗണിക്കാന് സെപ്തംബര് 25ലേക്ക് മാറ്റി വച്ചിരിക്കുകയാണ്.
https://www.facebook.com/Malayalivartha
