ജാമ്യത്തില് ഇറങ്ങിയ യുവാവിനെ വീടിന് സമീപത്ത് തൂങ്ങിമരിച്ച നിലയില് കണ്ടെത്തി....
തൃശൂരില് കാട്ടുപന്നിയെ വേട്ടയാടി മാംസം വില്പ്പന നടത്തിയെന്ന കേസില് ഫോറസ്റ്റ് അറസ്റ്റ് ചെയ്ത് ജാമ്യത്തില് ഇറങ്ങിയ യുവാവിനെ വീടിന് സമീപത്ത് തൂങ്ങിമരിച്ച നിലയില് കണ്ടെത്തി.
കാഞ്ഞിരക്കോട് വടക്കന് വീട്ടില് മിഥുനെയാണ് (30) ഇന്ന് രാവിലെ വീടിനു സമീപത്തെ സ്വകാര്യ വ്യക്തിയുടെ പറമ്പില് തൂങ്ങിമരിച്ച നിലയില് കണ്ടെത്തിയിട്ടുള്ളത്. കഴിഞ്ഞ ചൊവ്വാഴ്ചയാണ് മിഥുന് ഉള്പ്പെടെ മൂന്നു പേരെ വടക്കാഞ്ചേരി റെയിഞ്ച് ഫോറസ്റ്റ് ഓഫീസറുടെ നേതൃത്വത്തിലുള്ള സംഘം അറസ്റ്റ് ചെയ്തത്.
അതേ തുടര്ന്ന് കോടതിയില് ഹാജരാക്കിയ പ്രതികളെ റിമാന്ഡിലാക്കി. ഇന്നലെ ജാമ്യത്തില് ഇറങ്ങിയ മിഥുന് കടുത്ത മാനസിക സമ്മര്ദ്ദത്തിലായിരുന്നുവെന്ന് വീട്ടുകാര് . വെള്ളിയാഴ്ച രാവിലെ മിഥുനെ കാണാതായതിനെത്തുടര്ന്ന് വീട്ടുകാര് നടത്തിയ പരിശോധനയിലാണ് തൂങ്ങി മരിച്ച നിലയില് കണ്ടെത്തിയത്.
കാഞ്ഞിരക്കോട് സെന്ററില് ഓട്ടോഡ്രൈവറായിരുന്നു മിഥുന്. സംഭവത്തില് വനം വകുപ്പിനെതിരെ നാട്ടുകാരുടെ നേതൃത്വത്തില് വലിയ പ്രതിഷേധമാണ് ഉയരുന്നത്.
https://www.facebook.com/Malayalivartha
