തിരുവനന്തപുരം വാമനപുരത്ത് സ്‌കൂള്‍ ബസ് വയലിലേക്ക് മറിഞ്ഞു. അപകടത്തില്‍ 11 കുട്ടികള്‍ക്ക് നിസാര പരിക്കേറ്റു. പരപ്പാറ നോബിള്‍ സ്‌കൂളിന്റെ ബസാണ് മറിഞ്ഞത്. ബസില്‍ 15 കുട്ടികളുണ്ടായിരുന്നു.

വെഞ്ഞാറമൂട് പൊലീസ് സ്ഥലത്തെത്തി രക്ഷാപ്രവര്‍ത്തനം നടത്തി. കുട്ടികളുടെ പരിക്കുകള്‍ ഗുരുതരമല്ലെന്ന് വെഞ്ഞാറമൂട് പൊലീസ് അറിയിച്ചു. പരിക്കേറ്റ കുട്ടികളെ വാമനപുരം പിഎച്ച്‌സിയില്‍ പ്രവേശിപ്പിച്ചു. വണ്ടി തിരിക്കാനായി പുറകിലോട്ട് എടുത്തപ്പോഴാണ് അപകടമുണ്ടായത്.