വര്‍ക്കലയില്‍ വാഹനാപകടത്തില്‍ സംസ്ഥാന ഫിഷറീസ് വകുപ്പിലെ രണ്ടു വനിതാ ഉദ്യോഗസ്ഥര്‍ക്ക് ഗുരുതരമായി പരുക്ക് . തിരുവനന്തപുരം വെട്ടൂര്‍ കാട്ടുവിള സ്വദേശി അന്‍സീന, ചെറുന്നിയൂര്‍ സ്വേദേശി ഷൈലജാ ബീഗം എന്നിവര്‍ക്കാണ് പരിക്കേറ്റത്.

വര്‍ക്കല രഘുനാഥപുരം റോഡില്‍ ഇന്നലെ വൈകീട്ടാണ് അപകടം സംഭവിച്ചത്. ഇവര്‍ സഞ്ചരിച്ച സ്‌കൂട്ടറിനെ വര്‍ക്കലയില്‍ നിന്നും നിന്നും രഘുനാഥപുരത്തേക്ക് വന്ന സ്‌കോര്‍പിയോ കാര്‍ ഇടിച്ചുതെറിപ്പിച്ചെന്നാണ് സ്ഥലത്ത് നിന്ന് ലഭിക്കുന്ന സൂചനകള്‍

പരിക്കേറ്റവരെ തിരുവനന്തപുരത്തെ സ്വകാര്യ ആശുപത്രികളില്‍ തീവ്ര പരിചരണ വിഭാഗത്തില്‍ പ്രവേശിപ്പിച്ചിരിക്കുകയാണ്. ഇവര്‍ അപകടനില തരണം ചെയ്‌തോയെന്ന് വ്യക്തമല്ല.

വെട്ടൂര്‍ പഞ്ചായത്ത് പരിധിയില്‍ പ്രവര്‍ത്തിക്കുന്ന ഫിഷറീസ് വകുപ്പിലെ വനിതാ ഉദ്യോഗസ്ഥരാണ് അപകടത്തില്‍പ്പെട്ടത്. രഘുനാഥപുരം സ്വദേശിയുടെ വീട് മെയിന്റനന്‍സ് ചെയ്യുന്നതിനുള്ള അപേക്ഷ പരിശോധിക്കാനായി ഈ വീട് സന്ദര്‍ശിച്ച് ഓഫീസിലേക്ക് മടങ്ങുമ്പോഴാണ് അപകടം സംഭവിച്ചത്. സ്‌കോര്‍പിയോ കാര്‍ അമിത വേഗത്തിലായിരുന്നുവെന്നും ഇതാണ് അപകടത്തിന് കാരണമെന്നും പ്രദേശവാസികള്‍ പറയുന്നു.