ഉത്സവകാലത്തിനു മുന്നോടിയായി ആനുകൂല്യങ്ങളുടെ വെടിക്കെട്ട്. നവരാത്രി, ദീപാവലി ആഘോഷക്കാലത്ത് ഇന്ത്യയിൽ ഷോപ്പിങ് പൊടിപൂരമാകുമെന്നാണ് വിപണിയുടെ പ്രതീക്ഷ.

ബിസ്കറ്റിനും സോപ്പിനും നെയ്യിനും വെണ്ണയ്ക്കും മുതൽ കാറുകൾക്ക് വരെ ‘ബംപർ’ വിലക്കുറവാണ് ഇന്നു മുതൽ പ്രാബല്യത്തിലാകുന്നത്. ഒട്ടുമിക്ക കമ്പനികളും ജിഎസ്ടി ഇളവിനു പുറമേ, ഉത്സവകാലം പ്രമാണിച്ച്  വൻ ഡിസ്കൗണ്ട് ഓഫറുകളും പ്രഖ്യാപിച്ചിട്ടുണ്ട്. 700ഓളം ഉൽപന്ന പാക്കുകളുടെ വിലയാണ് അമുൽ‌ കുറച്ചത്. വാഹനരംഗത്ത് മാരുതി, ടാറ്റ, ഹ്യുണ്ടായ്, കിയ, സ്കോഡ തുടങ്ങിയ കമ്പനികളും വൻവിലക്കുറവ് പ്രഖ്യാപിച്ചുകഴിഞ്ഞു.