ജാതി-മത വിഭാഗങ്ങളുമായി സമദൂരം പാലിക്കുകയെന്ന സിദ്ധാന്തം ജവഹർലാൽ നെഹ്റുവിൻ്റെ കാലം മുതൽ കോൺഗ്രസിൻ്റെ മൗലിക നയമാണ് എന്ന് കോൺഗ്രസ്‌ നേതാവ് ചെറിയാൻ ഫിലിപ്പ്.

സമുദായ സമനീതി എന്ന മതേതര വീക്ഷണമാണ് കോൺഗ്രസിൻ്റെ ആശയം. ജാതി-മത വിഭാഗങ്ങളുമായി സഹവർത്തിത്വം പുലർത്തുകയും അവർക്കെല്ലാംസാമൂഹ്യ നീതി ഉറപ്പുവരുത്തുന്നതുമാണ് കോൺഗ്രസിൻ്റെ ശരി ദൂരം.

ഭൂരിപക്ഷ - ന്യൂനപക്ഷ വർഗ്ഗീയതകളെ ദേശീയ തലത്തിലും കേരളത്തിലും കോൺഗ്രസ് ഒരു പോലെ എതിർക്കുന്നു. വർഗീയ -വിഘടന ശക്തികളുമായി സന്ധി ചെയ്യാത്തതു കൊണ്ടാണ് മഹാത്മ ഗാന്ധി,ഇന്ദിരഗാന്ധി,രാജീവ് ഗാന്ധി എന്നിവർക്ക് രക്തസാക്ഷിത്വം വരിക്കേണ്ടി വന്നത് -

വർഗ്ഗീയ പ്രീണനത്തിൻ്റെ ഭാഗമായാണ് എൽ.ഡി.എഫ് സർക്കാർ അയ്യപ്പസംഗമം സംഘടിപ്പിച്ചത്. ലോക്സഭാ തെരഞ്ഞെടുപ്പിൽ വൻതോതിൽ നഷ്ടപ്പെട്ട ഹിന്ദു വോട്ട് നേടുകയാണ് സി.പി.എം ലക്ഷ്യം.

യു.ഡി.എഫിനെ നയിക്കുന്നത് മുസ്ലീം ലീഗാണെന്ന എം.വി. ഗോവിന്ദൻ്റെ പ്രസ്താവന ഹിന്ദു, ക്രിസ്തൻ വർഗ്ഗീയ പ്രീണനം ലക്ഷ്യമാക്കിയാണ്. വൈരുദ്ധ്യാത്മക ഭൗതികവാദം ഉപേക്ഷിച്ച സി.പി.എം ഇപ്പോൾ വർഗ്ഗസമരത്തിലല്ല, വർഗ്ഗീയ സമരത്തിലാണ് വിശ്വസിക്കുന്നത്.