ഇന്നലെ നറുക്കെടുത്ത തിരുവോണം ബമ്പർ ലോട്ടറിയിലെ ഒന്നാം സമ്മാനമായ 25 കോടി രൂപ സ്വന്തമാക്കിയ ഭാഗ്യവാന്‍ നെട്ടൂർ സ്വദേശിയെന്ന് സൂചന. സമ്മാനാർഹമായ ടിക്കറ്റിൻ്റെ ഉടമ, കടയുടമ ലിജീഷിൻ്റെ സുഹൃത്തിനെ ടിക്കറ്റ് കാണിച്ചുവെന്ന് ലിജീഷ് തന്നെ പറയുന്നു. മറ്റ് സൂചനകളോ, പേരോ അറിയില്ലെന്നും ടിക്കറ്റ് താൻ നേരിട്ട് കണ്ടിട്ടില്ലെന്നും ഇദ്ദേഹം പറഞ്ഞു. എറണാകുളം നെട്ടൂരിലെ ലോട്ടറി ഏജന്‍റായ ലിജീഷ് വിറ്റ ടിക്കറ്റിനാണ് ഒന്നാം സമ്മാനം ലഭിച്ചതെന്ന് ഇന്നലെ വ്യക്തമായിരുന്നു. എന്നാല്‍ സമ്മാനം നേടിയയാള്‍ ആരെന്ന് ഇപ്പോഴും വ്യക്തമായിട്ടില്ല.  നറുക്കെടുപ്പിന് തലേന്ന് വിറ്റ ഈ ടിക്കറ്റ് ആരാണ് എടുത്തതെന്ന് കൃത്യമായി പറയാന്‍ ലിജീഷിനും സാധിച്ചിട്ടില്ല. നെട്ടൂര്‍ മേഖലയില്‍ തന്നെ താമസിക്കുന്ന ആരെങ്കിലുമാകാം ടിക്കറ്റ് എടുത്തത് എന്നായിരുന്നു ഇന്നലെ മുതലേ സംശയിച്ചത്.

ബമ്പര്‍ ഭാഗ്യക്കുറിയുടെ 75 ലക്ഷം ടിക്കറ്റുകളാണ് ഈ വര്‍ഷം അച്ചടിച്ച് വിറ്റഴിച്ചത്.

പാലക്കാടാണ് ഏറ്റവും കൂടുതല്‍ വില്പന നടന്നത്. 14,07,100 എണ്ണം ടിക്കറ്റുകളാണ് ഇവിടെ വിറ്റത്.

രണ്ടാം സ്ഥാനത്തുള്ള തൃശ്ശൂര്‍ ജില്ലയിൽ 9,37,400 ടിക്കറ്റുകളും മൂന്നാം സ്ഥാനത്തുള്ള തിരുവനന്തപുരത്ത് 8,75,900 ടിക്കറ്റുകളും ഏജന്‍സികള്‍ വഴി വില്പന നടന്നു.

തിരുവോണം ബമ്പറിന്റെ ഒന്നാം സമ്മാന ജേതാവിന് 25 കോടി സമ്മാനം ലഭിക്കും. ഇത് ഈ വർഷത്തെ ഏറ്റവും വലിയ ലോട്ടറി സമ്മാനമായി മാറും.

ഉച്ചയ്ക്ക് 1 മണിക്ക് ആരംഭിച്ച പരിപാടിയിൽ സംസ്ഥാന ധനകാര്യ മന്ത്രി കെ.എൻ. ബാലഗോപാൽ നറുക്കെടുപ്പിന് മേൽനോട്ടം വഹിച്ചു. ഇതേ പരിപാടിയുടെ ഭാഗമായി പൂജ ബമ്പർ 2025 ഉം ഔദ്യോഗികമായി പുറത്തിറക്കും. ഒരു ടിക്കറ്റിന് 300 രൂപ വിലയുള്ള ഇത് അഞ്ച് സീരീസുകളിലായി പുറത്തിറക്കും. 12 കോടി രൂപയാണ് ഒന്നാം സമ്മാനം.

ഈ വർഷത്തെ ബമ്പറിനായി, TA, TB, TC, TD, TE, TG, TH, TJ, TK, TL എന്നിങ്ങനെ 10 വ്യത്യസ്ത പരമ്പരകളിലായി ടിക്കറ്റുകൾ പുറത്തിറക്കിയിരുന്നു. ജീവിതത്തെ മാറ്റിമറിക്കുന്ന 25 കോടി രൂപയാണ് ഒന്നാം സമ്മാനം എങ്കിലും, വിപുലമായ പങ്കാളിത്തവും ആവേശവും ഉറപ്പാക്കുന്ന വ്യത്യസ്ത വിഭാഗങ്ങളിലായി മറ്റ് നിരവധി ആകർഷകമായ സമ്മാനങ്ങളുമുണ്ട്.

കേരള ലോട്ടറി തിരുവോണം ബമ്പർ 2025 സമ്മാന ഘടന

ഒന്നാം സമ്മാനം: 25,00,00,000 രൂപ (25 കോടി) – 1 വിജയി

രണ്ടാം സമ്മാനം: 1,00,00,000 രൂപ (1 കോടി) – 20 വിജയികൾ (ഒരു പരമ്പരയിൽ ഒരാൾ)

മൂന്നാം സമ്മാനം: 50,00,000 രൂപ (50 ലക്ഷം) – 20 വിജയികൾ (ഒരു പരമ്പരയിൽ രണ്ട്)

നാലാം സമ്മാനം: 5,00,000 രൂപ (5 ലക്ഷം) – 10 വിജയികൾ വരെ (അവസാന അഞ്ച് അക്കങ്ങൾ)

അഞ്ചാം സമ്മാനം: 2,00,000 രൂപ– 10 വിജയികൾ വരെ (അവസാന നാല് അക്കങ്ങൾ, 36 നറുക്കെടുപ്പുകൾ)

ആറാം സമ്മാനം: 5,000 രൂപ – 54,000 വിജയികൾ വരെ (അവസാന നാല് അക്കങ്ങൾ, 50 നറുക്കെടുപ്പുകൾ)

ഏഴാം സമ്മാനം: 2,000 രൂപ – 81,000 വിജയികൾ വരെ (അവസാന നാല് അക്കങ്ങൾ, 72 നറുക്കെടുപ്പുകൾ)

എട്ടാം സമ്മാനം: 1,000 രൂപ– 1,24,200 വിജയികൾ വരെ (അവസാന നാല് അക്കങ്ങൾ, 126 നറുക്കെടുപ്പുകൾ)

9-ാം സമ്മാനം: 500 രൂപ– 2,75,400 വിജയികൾ വരെ (അവസാന നാല് അക്കങ്ങൾ, 126 നറുക്കെടുപ്പുകൾ)

സമാശ്വാസ സമ്മാനം: 5,00,000 രൂപ – 9 വിജയികൾ

ഏറ്റവും പുതിയ ബിസിനസ് വാർത്തകൾ, വ്യക്തിപരമായ സാമ്പത്തിക വിവരങ്ങൾ,ദിവസം തോറുമുള്ള സ്വർണ നിരക്ക് എല്ലാം അറിയാൻ News18 മലയാളത്തിനൊപ്പം വരൂ