വൈക്കം- എറണാകുളം റോഡിൽ ഇത്തിപ്പുഴയിൽ നിയന്ത്രണംവിട്ട് ബൈക്ക് മറിഞ്ഞ് യുവാവിന് ദാരുണാന്ത്യം. ചേർത്തല മൂലയിൽ വീട്ടിൽ കുര്യൻ തരകന്റെ മകൻ ആന്റണി തരകൻ (24) ആണ് മരിച്ചത്.

ഞായറാഴ്ച രാത്രി 12.30-ന് ഇത്തിപ്പുഴ പാലത്തിന് സമീപമാണ് അപകടം നടന്നത്. പാലത്തിന്റെ കൈവരിയിൽ ഇടിച്ച് റോഡിൽ തെറിച്ച് വീണ് ഗുരുതരമായി പരിക്കേറ്റ യുവാവിനെ ഉടൻ വൈക്കം താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. വൈക്കം പോലീസ് മേൽ നടപടികൾ സ്വീകരിക്കുകയും ചെയ്തു.