തളിപ്പറമ്പിലെ ഷോപ്പിംഗ് കോംപ്ല്ക്‌സിലുണ്ടായ വന്‍ തീപിടുത്തത്തില്‍ അമ്പതോളം കടകള്‍ അഗ്‌നിക്കിരയായി. ഇപ്പോള്‍ തീ നിയന്ത്രണ വിധേയമാക്കി. സംഭവത്തില്‍ അന്വേഷണം നടത്തുമെന്ന് ജില്ല കളക്ടര്‍ അരുണ്‍ കെ വിജയന്‍ പറഞ്ഞു. രക്ഷാപ്രവര്‍ത്തനത്തില്‍ കാലതാമസം ഉണ്ടായിട്ടില്ലെന്നും കളക്ടര്‍ അറിയിച്ചു. തീപിടുത്തത്തിന്റെ കാരണം വ്യക്തമല്ല.

15 ഫയര്‍ ഫോഴ്‌സ് യൂണിറ്റുകള്‍ കണ്ണൂര്‍ കാസര്‍കോട് ജില്ലകളില്‍നിന്നെത്തിയിരുന്നു. തീപിടുത്തത്തിന് കാരണം സംബന്ധിച്ച് അന്വേഷണം നടത്തുമെന്നും നഷ്ടപരിഹാരം പിന്നീട് കണക്കാക്കുമെന്നും കളക്ടര്‍ അറിയിച്ചു. കെട്ടിടങ്ങള്‍ സുരക്ഷാ മാനദണ്ഡങ്ങള്‍ പാലിച്ചിരുന്നോ എന്ന് പരിശോധിക്കും.