യുവതിയുടെ നെഞ്ചില് കുടുങ്ങിയ ഗൈഡ് വയര് പുറത്തെടുക്കാനുള്ള ശ്രമം പരാജയപ്പെട്ടു
തൈറോയിഡ് ശസ്ത്രക്രിയക്കിടെ യുവതിയുടെ നെഞ്ചില് കുടുങ്ങിയ ഗൈഡ് വയര് കീഹോള് വഴി പുറത്തെടുക്കാനുള്ള ശ്രമം പരാജയപ്പെട്ടു. രണ്ടുതവണ ശ്രമിച്ചിട്ടും കീഹോള് വഴി പുറത്തെടുക്കാന് സാധിച്ചില്ല. ഗൈഡ് വയര് പുറത്തെടുത്താല് സുമയ്യക്ക് ആരോഗ്യ പ്രശ്നങ്ങള് ഉണ്ടാകുമെന്നാണ് ഡോക്ടര്മാര് പറയുന്നത്.
ശസ്ത്രക്രിയ നടത്തി പുറത്തെടുക്കുന്ന കാര്യം പിന്നീട് തീരുമാനിക്കും. ഗൈഡ് വയറിന്റെ രണ്ടറ്റവും ശരീരവുമായി ഒട്ടിച്ചേര്ന്ന നിലയിലാണ്. ഇന്നലെയാണ് സുമയ്യ തിരുവനന്തപുരം മെഡിക്കല് കോളജില് അഡ്മിറ്റായത്. നാളെ സുമയ്യ ആശുപത്രിയില് നിന്നും തിരികെ പോകും.
ധമനികളോട് ഒട്ടിച്ചേര്ന്നതിനാല് ഗൈഡ് വയര് പുറത്തെടുക്കാന് ശ്രമിക്കുന്നത് സങ്കീര്ണമാകുമെന്ന് മെഡിക്കല് ബോര്ഡ് നേരത്തെ തന്നെ വിലയിരുത്തിയിരുന്നു. വയര് കുടുങ്ങിക്കിടക്കുന്നത് കൊണ്ട് യുവതിക്ക് മറ്റ് ആരോഗ്യപ്രശ്നങ്ങള് ഉണ്ടാകില്ലെന്നും മെഡിക്കല് ബോര്ഡ് വ്യക്തമാക്കിയിരുന്നു.
https://www.facebook.com/Malayalivartha
