കേന്ദ്ര കാലാവസ്ഥ വകുപ്പിന്റെ അടുത്ത 5 ദിവസത്തേക്കുള്ള മഴ സാധ്യത പ്രവചനം.  വിവിധ ജില്ലകളിൽ കേന്ദ്ര കാലാവസ്ഥ വകുപ്പ് മഞ്ഞ അലർട്ട് പ്രഖ്യാപിച്ചിരിക്കുന്നു.

ഇന്ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ എന്നീ ജില്ലകളിലാണ് മഞ്ഞ അലർട്ട് പ്രഖ്യാപിച്ചിട്ടുള്ളത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.

അടുത്ത 3 മണിക്കൂറിൽ കേരളത്തിലെ എല്ലാ ജില്ലകളിലും ഒറ്റപ്പെട്ടയിടങ്ങളിൽ ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമത്സ്യത്തൊഴിലാളി ജാഗ്രത നിർദേശം
കേരള - ലക്ഷദ്വീപ് തീരങ്ങളിൽ 30/10/2025 വരെ മത്സ്യബന്ധനത്തിന് പോകാൻ പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.

ഇന്ന് മണിക്കൂറിൽ 45 മുതൽ 55 കിലോമീറ്റർ വരെയും ചില അവസരങ്ങളിൽ 65 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യത.തമിഴ്നാട് തീരം, പുതുച്ചേരി, കാരയ്ക്കൽ തീരങ്ങളിൽ 29/10/2025 വരെ മത്സ്യത്തൊഴിലാളികൾ പോകാൻ പാടുള്ളതല്ല

ഇന്ന് പകൽ വരെ കാറ്റിന്റെ വേഗത മണിക്കൂറിൽ 60 മുതൽ 70 കിലോമീറ്റർ വരെയും ചില അവസരങ്ങളിൽ 80 വരെയും ക്രമേണ വർദ്ധിക്കുകയും; 30/10/2025-യോടുകൂടി കാറ്റിന്റെ വേഗത മണിക്കൂറിൽ 35 മുതൽ 45 കിലോമീറ്റർ വരെയും ചില അവസരങ്ങളിൽ 55 കിലോമീറ്റർ വരെയും കുറയാൻ സാധ്യത.

മധ്യ പടിഞ്ഞാറൻ ബംഗാൾ ഉൾക്കടൽ, അതിനോട് ചേർന്ന തെക്കു പടിഞ്ഞാറൻ ബംഗാൾ ഉൾക്കടൽ എന്നിവിടങ്ങളിൽ കടൽ പ്രക്ഷുബ്‌ധമായി നിലനിൽക്കുന്നു. ഇന്ന് ഉച്ച വരെ മധ്യ പടിഞ്ഞാറൻ ബംഗാൾ ഉൾക്കടൽ പ്രക്ഷുബ്‌ധമായി തുടരാൻ സാധ്യത. തുടർന്നുള്ള 12 മണിക്കൂറിലും ഈ അവസ്ഥ നിലനിൽക്കാൻ സാധ്യത.

വടക്കു പടിഞ്ഞാറൻ ബംഗാൾ ഉൾക്കടലിനോട് ചേർന്ന പ്രദേശങ്ങളിൽ നിലവിൽ കടൽ പ്രക്ഷുബ്‌ധമാണ്. 30/10/2025 പകൽ വരെ ഈ അവസ്ഥ തുടരാൻ സാധ്യത.

ആന്ധ്രാപ്രദേശ്-യാനം തീരങ്ങൾ:

ആന്ധ്രാപ്രദേശ്-യാനം (പുതുച്ചേരി) തീരങ്ങൾ 60 - 70 kmph വരെയും ചില അവസരങ്ങളിൽ 80 kmph വരെയും വേഗതയിൽ അതിശക്തമായ കാറ്റ് നിലനിൽക്കുന്നു. 29/10/2025 രാവിലെ വരെ കാറ്റിന്റെ വേഗത 90 - 100 kmph വരെയും ചില അവസരങ്ങളിൽ 110 kmph വരെയും; 29/10/2025 ഉച്ചയോടെ 60 - 70 kmph വരെയും ചില അവസരങ്ങളിൽ 80 kmph വരെയും കുറയാൻ സാധ്യത.