കണ്ണീർക്കാഴ്ചയായി... കുട്ടിക്കാനം മുറിഞ്ഞപുഴയിൽ വാഹനാപകടത്തിൽ യുവാവിന് ദാരുണാന്ത്യം. വാഴവര സ്വദേശി അതുൽ സണ്ണിയാണ് മരിച്ചത്. ബൈക്കും ലോറിയും കൂട്ടിടിച്ചാണ് അപകടം സംഭവിച്ചത്. കൊട്ടാരക്കര ഡണ്ടുഗൽ ദേശീയപാതയിൽ കുട്ടിക്കാനത്തിനു സമീപം മുറിഞ്ഞപുഴയ്ക്കും വളഞ്ഞങ്ങനത്തിനും ഇടയിലാണ് അപകടമുണ്ടായത്.

കുട്ടിക്കാനം ഭാഗത്തു നിന്ന് മുണ്ടക്കയം ഭാഗത്തേക്ക് പോവുകയായിരുന്ന ബൈക്കും മുണ്ടക്കയം ഭാഗത്ത് നിന്ന് കുട്ടിക്കാനം ഭാഗത്തേക്ക് വരികയായിരുന്ന ലോറിയും തമ്മിലാണ് കൂട്ടിയിടിച്ചത്.

അപകടത്തിൽ ഗുരുതര പരിക്കേറ്റ ബൈക്ക് യാത്രികനെ ഇതുവഴി പോയ വാഹന യാത്രക്കാരും പ്രദേശവാസികളും ചേർന്ന് മുണ്ടക്കയത്തെ സ്വകാര്യ ആശുപത്രിയിൽ പ്രവേശിപ്പിച്ചു. കട്ടപ്പന വാഴവര സ്വദേശി അതുൽ സണ്ണിയാണ് മരിച്ചത്.