കേരളപ്പിറവി ദിനത്തിൽ മുഖ്യമന്ത്രി പങ്കെടുക്കുന്ന സെക്രട്ടേറിയറ്റിലെ സമ്മേളനത്തിൽ കേരളീയ വേഷം വേണമെന്ന് ശഠിച്ച് ഭരണഭാഷാ വകുപ്പ്. ഇതിനായി വകുപ്പ് സർക്കുലർ ഇറക്കി. സർക്കാർ പരിപാടികൾക്ക് സാധാരണവേഷ നിബന്ധന ഉണ്ടാകാറില്ല. ഏതാണ് കേരളീയ വേഷമെന്നും സർക്കുലറിൽ വ്യക്തമാക്കിയിട്ടില്ല.

നവംബർ ഒന്നിന് സെക്രട്ടേറിയറ്റ് ദർബാർ ഹാളിൽ മലയാളദിന-ഭരണഭാഷാ വാരാഘോഷത്തിന്റെ സംസ്ഥാനതല ഉദ്ഘാടനമാണ് മുഖ്യമന്ത്രി നിർവഹിക്കുന്നത്. ഉദ്യോഗസ്ഥ-ഭരണപരിഷ്കാര (ഭരണഭാഷാ) വകുപ്പാണ് സംഘാടകർ. ചടങ്ങിൽ പ്രമുഖരെ ആദരിക്കുകയും ചെയ്യും.