ഹനുമാൻ സ്വാമിക്ക് ​ഗദ സമർപ്പിച്ച് കേന്ദ്രമന്ത്രി സുരേഷ് ​ഗോപി. പള്ളിക്കത്തോട് ആനിക്കാട് ശങ്കരനാരായണമൂർത്തി ക്ഷേത്രത്തിനാണ് കേന്ദ്രമന്ത്രി ഗദ സമർപ്പിച്ചത്. കഴിഞ്ഞ ദിവസം രാവിലെ ക്ഷേത്രത്തിലെത്തിയ അദ്ദേഹം ദർശനം നടത്തുകയും വഴിപാട് ​ സമർപ്പിക്കുകയും ചെയ്തു.

മൂർത്തിക്ക് ഏറ്റവും പ്രിയപ്പെട്ട തുളസിയും കൂവളം ഇലകളും ചേർന്ന മാലയും കെടാവിളക്കിന് നെയ്യും സമർപ്പിച്ചു. ക്ഷേത്രത്തിലെ ആഞ്ജനേയസ്വാമിക്ക് ​ഗദയും അവൽനേദ്യം തുടങ്ങിയവയും വഴിപാടായി അർപ്പിക്കുകയായിരുന്നു.
അതേസമയം ശങ്കരനാരായണ സേവാസംഘം ഭാരവാഹികൾ, മാതൃസമിതി അംഗങ്ങൾ, നിരവധി ഭക്തജനങ്ങൾ എന്നിവർ അദ്ദേഹത്തിന്റെ ദർശനസമയത്ത് ക്ഷേത്രത്തിലുണ്ടായിരുന്നു.