കാമുകനൊപ്പം ഒളിച്ചോടിയ ഭാര്യയെ പൊലീസ് സ്‌റ്റേഷന്‍ പരിസരത്ത് വെച്ച് പഞ്ഞിക്കിട്ട് ഭര്‍ത്താവ്
കാണാതായ ഭാര്യയെ അന്വേഷണത്തിനൊടുവില്‍ കാമുകനൊപ്പം ഒളിച്ചോടിയതായി കണ്ടെത്തി. പരാതിയെ തുടര്‍ന്ന് പൊലീസ് സ്റ്റേഷനില്‍ എത്തിയ ഭാര്യയെ പൊലീസ് സ്‌റ്റേഷന്‍ പരിസരത്ത് വെച്ച് ആക്രമിച്ച് ഭര്‍ത്താവ്. ഭാര്യ വൃന്ദയെ അടൂര്‍ ഡിവൈഎസ്പി ഓഫിസിനു മുന്നില്‍വെച്ചാണ് ഭര്‍ത്താവ് റോജന്‍ ആക്രമിച്ചത്. പൊലീസ് സംരക്ഷണയില്‍ സ്ത്രീയെ കോടതിയിലേക്ക് കൊണ്ടുപോയപ്പോഴായിരുന്നു സംഭവം.ഗള്‍ഫിലായിരുന്ന റോജന്‍, ഭാര്യയെ കാണാനില്ലെന്ന വിവരം അറിഞ്ഞ് നാട്ടിലെത്തിയതാണെന്ന് പൊലീസ് വെളിപ്പെടുത്തി. ഇയാള്‍ക്കെതിരെ കേസെടുക്കുമെന്ന് പൊലീസ് അറിയിച്ചു.
അടിയേറ്റു നിലത്ത് വീണ സ്ത്രീയുടെ തല പൊട്ടി. അടൂര്‍ മൂന്നാളം സ്വദേശി വൃന്ദ വിജയനാണ് പരുക്കേറ്റത്. കാണാതാകല്‍ കേസുമായി ബന്ധപ്പെട്ട് കോടതിയില്‍ ഹാജരാക്കാന്‍ കൊണ്ടുപോകും വഴിയാണ് 24കാരിയെ ഭര്‍ത്താവ് റോജന്‍ അടിച്ചു താഴെയിട്ടത്. വൃന്ദയെ കാണാനില്ലെന്ന് ഭര്‍ത്താവ് റോജന്റെ അമ്മയാണ് പൊലീസില്‍ പരാതി നല്‍കിയത്. കാമുകന്‍ അനുരാഗിന്റെ കൂടെ പോയെന്നായിരുന്നു പരാതി.
അന്വേഷണത്തിനൊടുവില്‍ കണ്ടെത്തിയ ഇവരെ പൊലീസ് കസ്റ്റഡിയില്‍ കോടതിയിലേക്ക് കൊണ്ടുപോവുകയായിരുന്നു. ഇതിനിടെയാണ് വഴിയില്‍ കാത്തുനിന്ന ഭര്‍ത്താവ് റോജന്‍ ആക്രമിച്ചത്. സംഭവ സമയത്ത് ഒരു വനിതാ പൊലീസ് ഉദ്യോഗസ്ഥ മാത്രമാണ് യുവതിക്കൊപ്പം ഉണ്ടായിരുന്നത്. യുവതിയെ ഭര്‍ത്താവ് തള്ളിയിട്ടതല്ലെന്നും കയ്യിലിരുന്ന ആയുധം കൊണ്ട് ആക്രമിച്ചതാണെന്നും ദൃക്‌സാക്ഷികള്‍ പറയുന്നു. ഉടന്‍ തന്നെ സ്ഥലത്തെത്തിയ പൊലീസ് റോജനെ പിടികൂടി.
https://www.facebook.com/Malayalivartha
