എൻജിൻ തകരാറിലായതാണ് കടലിൽ കുടുങ്ങാൻ കാരണമായതെന്ന് തൊഴിലാളികൾ...

നീണ്ട തെരച്ചിലിനൊടുവിൽ... ചെല്ലാനത്തു നിന്ന് മത്സ്യബന്ധനത്തിന് പോയ ശേഷം കാണാതായ അഞ്ച് മത്സ്യത്തൊഴിലാളികളെയും കണ്ടെത്തി. കടലിൽ കുടുങ്ങിയ ഇവരെ മറ്റൊരു മത്സ്യബന്ധന ബോട്ട് എത്തിച്ചാണ് രക്ഷപ്പെടുത്തിയത്. അഞ്ചുപേരെയും ഈ ബോട്ടിൽ തന്നെയാണ് കരയിലെത്തിച്ചത്.

KL03 4798 എന്ന നമ്പറിലുള്ള 'ഇമ്മാനുവൽ' എന്ന വള്ളം എൻജിൻ തകരാറിലായി കടലിൽ കുടുങ്ങിയത്. തൊഴിലാളികൾ സഞ്ചരിച്ചിരുന്ന ഈ വള്ളവും ഇവരെ രക്ഷപ്പെടുത്തിയ ബോട്ട് കെട്ടിവലിച്ച് കരയ്ക്കെത്തിച്ചു. എൻജിൻ തകരാറിലായതാണ് കടലിൽ കുടുങ്ങാൻ കാരണമായതെന്ന് തൊഴിലാളികൾ.
അതേസമയം ഇന്നലെ പുലർച്ചെ നാല് മണിയോടെയാണ് മത്സ്യബന്ധനത്തിനായി കടലിലേക്ക് പോയത്. രാവിലെ 9 മണിയോടെ തിരിച്ചെത്തേണ്ടിയിരുന്ന ഇവരെ രാത്രിയായിട്ടും കാണാതായതോടെയാണ് തിരച്ചിൽ ആരംഭിച്ചത്.

കോസ്റ്റ് ഗാർഡും നേവിയും ഉൾപ്പെടെയുള്ളവരാണ് കാണാതായവർക്കായി തിരച്ചിലിന് നേതൃത്വം നൽകിയത്. ചെല്ലാനം കണ്ടക്കടവ് സ്വദേശികളായ സെബിൻ, പാഞ്ചി, കുഞ്ഞുമോൻ, പ്രിൻസ്, ആന്റപ്പൻ എന്നിവരാണ് വള്ളത്തിലുണ്ടായിരുന്നത്.