പതിനേഴുകാരിയെ പീഡിപ്പിച്ച് ഗര്‍ഭിണിയാക്കിയ കേസില്‍ യുവാവ് പിടിയില്‍
ഹരിപ്പാട് താമല്ലാക്കലില്‍ പതിനേഴുകാരിയെ പീഡിപ്പിച്ച ഗര്‍ഭിണിയാക്കിയതിന് ഇരുപത്തി മൂന്ന് കാരന്‍ പിടിയില്‍. അഞ്ചുമാസം ഗര്‍ഭിണിയായ പെണ്‍കുട്ടി യുവാവിന്റെ വീട്ടില്‍ എത്തിയപ്പോഴാണ് സംഭവം പുറം ലോകം അറിയുന്നത്. 2023ല്‍ സമൂഹ മാധ്യമം വഴി പരിചയപ്പെട്ടതാണ് ഇരുവരും.
ഫോണ്‍ വിളിച്ചിട്ട് എടുക്കാത്തതിന് തുടര്‍ന്നാണ് പെണ്‍കുട്ടി യുവാവിന്റെ വീട്ടിലേക്ക് എത്തിയത്. അമ്പരന്ന വീട്ടുക്കാര്‍ ഹരിപ്പാട് പോലീസിനെ വിവരം അറിയിക്കുകയായിരുന്നു. തുടര്‍ന്ന് പോലീസ് പെണ്‍കുട്ടിയുടെ മൊഴി എടുത്തു. പെണ്‍കുട്ടിയുടെ മൊഴിയുടെ അടിസ്ഥാനത്തില്‍ യുവാവിനെ പോലീസ് അറസ്റ്റ് ചെയ്തു.
പ്രണയത്തിലായ ശേഷം യുവതിയെ ബൈക്കില്‍ കൂട്ടിക്കൊണ്ടുപോയി ആലപ്പുഴ ടൗണിലെ ഒരു ലോഡ്ജില്‍ വച്ച് ലൈംഗികമായി പീഡിപ്പിച്ചെന്നും പിന്നീട് ബെംഗളൂരുവില്‍ പഠനത്തിന് പോയ സമയത്ത് താമസ സ്ഥലത്തെത്തി അവിടെ വച്ചും പീഡിപ്പിച്ചെന്നും പെണ്‍കുട്ടി മൊഴി നല്‍കി. ഇതോടെ പോക്‌സോ, പട്ടിക ജാതി അതിക്രമം തടയല്‍ നിയമം എന്നിവ പ്രകാരം യുവാവിനെതിരെ പൊലീസ് കേസെടുത്തു.
https://www.facebook.com/Malayalivartha
