കോട്ടയം കുമാരനല്ലൂരില്‍ ട്രെയിനിടിച്ച് വയോധികന്‍ മരിച്ചു. ഇന്ന് രാത്രി എട്ട് മണിയോടെയായിരുന്നു സംഭവം നടന്നത്. എറണാകുളം കൊല്ലം മെമു ട്രെയിനാണ് ഇടിച്ചത്. മൃതദേഹം മെഡിക്കല്‍ കോളേജ് മോര്‍ച്ചറിയിലേക്ക് മാറ്റി. ആളെ ഇതുവരെ തിരിച്ചറിഞ്ഞിട്ടില്ല.

ഗാന്ധിനഗര്‍ പൊലീസാണ് സ്ഥലത്തെത്തി മേല്‍ നടപടികള്‍ സ്വീകരിച്ചത്. അപകടത്തെ തുടര്‍ന്ന് തിരുവനന്തപുരത്തേക്കുള്ള വന്ദേഭാരത് ഉള്‍പ്പടെയുള്ള ട്രെയിനുകള്‍ വൈകി. 40 മിനിട്ട് വൈകിയാണ് വന്ദേഭാരത് കോട്ടയം സ്‌റ്റേഷനിലെത്തിയത്. പാലരുവി എക്‌സ്പ്രസ് (16297) ഒരു മണിക്കൂര്‍ വൈകിയോടുകയാണ്.