ജിമ്മിലെ വർക്കൗട്ട് കഴിഞ്ഞെത്തിയ യുവാവ് കുഴഞ്ഞ് വീണ് മരിച്ചു. ശ്രീകൃഷ്ണപുരം കരിമ്പുഴ സ്വദേശി കുന്നത്തുവീട്ടിൽ രാമചന്ദ്രനാണ് മരിച്ചത്.

അടയ്ക്കാപുത്തൂരിലെ സ്വകാര്യ മരമില്ലിൽ മാനേജറായി ജോലി ചെയ്തുവരികയായിരുന്നു യുവാവ് .

സ്ഥിരമായി ജിമ്മിൽ പോവാറുള്ള രാമചന്ദ്രൻ ഇന്നലെ പോയി വന്ന ശേഷം കുഴഞ്ഞുവീഴുകയായിരുന്നു. ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

അതേസമയം ഇപ്പോൾ നിരവധി സംഭവങ്ങൾ ഇതു പോലെ തുടർച്ചയായി കേൾക്കുന്നത് പതിവായിരിക്കുകയാണ്. കഴിഞ്ഞ ജൂലൈ മാസത്തിൽ മുളന്തുരുത്തിയിൽ വ്യായാമം ചെയ്യുന്നതിനിടെ യുവാവ് ജിമ്മിൽ കുഴഞ്ഞുവീണ് മരിച്ചത് വലിയ വാർത്തയായിരുന്നു. മുളന്തുരുത്തി ചാലപ്പുറത്ത് രാജ് (42) ആണ് രാവിലെ 5.30നു പൈനുങ്കൽപാറയിലെ ജിമ്മിൽ കുഴഞ്ഞുവീണു മരിച്ചത്. ഈ സമയം ജിമ്മിൽ ആരും ഉണ്ടായിരുന്നില്ല.

സാധാരണ രാവിലെ 6 മണിയോടെ ജിമ്മിലെത്താറുള്ള രാജ് 5 മണിയോടെയെത്തി ജിം തുറന്നു വ്യായാമം ആരംഭിച്ചിരുന്നു. വ്യായാമത്തിനിടെ 5.26നു രാജ് കുഴഞ്ഞു വീഴുന്നത് ജിമ്മിലെ നിരീക്ഷണ ക്യാമറയിൽ പതിഞ്ഞിരുന്നു. 20 മിനിറ്റോളം ഇത്തരത്തിൽ കിടന്ന രാജിനെ 5.45നു ജിമ്മിൽ എത്തിയവരാണ് കാണുന്നത്. ഉടൻ ആശുപത്രിയിലെത്തിച്ചെങ്കിലും മരിച്ചു.