ഫോൺ കെണി, ചാറ്റ് കെണി, റീൽസ് കെണി തുടങ്ങി തേൻ കെണികൾ. സോളാർ, സർവ്വകലാശാല ചോദ്യപ്പേപ്പർ, പി എസ് സി പരീക്ഷ, പി എച്ച് ഡി, ഡിജിറ്റൽ ഒപ്പ് തുടങ്ങി ഉണ്ണീ ഷ്ണൻ പോറ്റി വരെയുള്ള തട്ടിപ്പ്-മോഷണ കുംഭകോണത്തിൽ തല കൊണ്ട് വയ്ക്കൽ ആൻഡ് മോങ്ങൽസ്. മല്ലൂസ് പൊളിയാണ് ഗുയ്സ്‌. വിമർശനവുമായി അഞ്ജു പാർവതി പ്രഭീഷ്. ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ ;

 മല്ലൂസ് പൊളിയാണ് ഗുയ്സ്‌. തമിഴനോട് പുച്ഛം; തെലുങ്കനോട് പുച്ഛത്തോട് പുച്ഛം; മറാത്തിയോടും ഗുജ്ജുവിനോടും പരമ പുച്ഛം ബംഗാളിയോട് അൾട്ടിമേറ്റ് പുച്ഛം! എന്നിട്ട് ഈ പുച്ഛരസം അപ്പാടെയെടുത്ത് വാവട്ടം കുറഞ്ഞ ഇമ്മിണി ബല്യേ കലത്തിൽ ഇട്ട് തിളപ്പിക്കും. എന്നിട്ട് സ്വന്തം തല കൊണ്ട് ചെന്ന് അതിന്റെയകത്ത് ഇട്ടിട്ട് അയ്യോ ഞാൻ പെട്ടേ എന്നൊരു ഒപ്പാരി നീട്ടി കാച്ചും.

തേക്ക്, ആട് - മാഞ്ചിയം -ബ്ലേഡ് നിക്ഷേപത്തട്ടിപ്പുകൾ !! തല വച്ച് കൊടുത്തിട്ട് ഒരേ മോങ്ങൽ . ജാപ്പനീസ് കിടക്ക, കുടവയർ ലവണ തൈലം, റൈസ് പുള്ളർ, നല്ലോണം വെളുത്ത് പാറൽ, പൊന്നാങ്കണി ചീര തുടങ്ങി പാണ്ടിക്കാട് കുഞ്ഞൻസ് കടുക്ക വാട്ടറിൽ വരെ തലയടിച്ചു വീണ് കിടന്നിട്ട് വീണ്ടും മോങ്ങൽസ് .

ഫോൺ കെണി, ചാറ്റ് കെണി, റീൽസ് കെണി തുടങ്ങി തേൻ കെണികൾ.
സോളാർ, സർവ്വകലാശാല ചോദ്യപ്പേപ്പർ, പി എസ് സി പരീക്ഷ, പി എച്ച് ഡി, ഡിജിറ്റൽ ഒപ്പ് തുടങ്ങി ഉണ്ണീ ഷ്ണൻ പോറ്റി വരെയുള്ള തട്ടിപ്പ്-മോഷണ കുംഭകോണത്തിൽ തല കൊണ്ട് വയ്ക്കൽ ആൻഡ് മോങ്ങൽസ്.

ടോട്ടൽ ഫോർ യു, മണി ചെയിൻ, l പുരാവസ്തു മോൺസൻ തുടങ്ങി പ്രവീൺ റാണ, ഹൈ റിച്ച് അണ്ണൻ -അണ്ണി തുടങ്ങി ട്രീകട്ടർ കള്ളന്മാരുടെ വലയിൽ കുടുങ്ങി തലയിട്ട് ഉരുട്ടൽ . കപ്പലണ്ടി കണ്ണൻസ് സ്വന്തം അപഹരണ ബാങ്കിൽ നിക്ഷേപിച്ചു നിക്ഷേപം ആവിയായി പോയിട്ട് കൂടും കുടുക്കയും നഷ്ടമായതിന്റെ പതം പറച്ചിൽ.

മാസപ്പടി മാതുപിള്ളയ്ക്ക് കാണാൻ മാത്രം കഴിയുന്ന എക്സാലോജിക് കമ്പനി,വീട്ടിലെ റൂമിൽ വെള്ളം കയറുന്ന റൂം ഫോർ റിവർ എന്ന ഡച്ച് സാങ്കേതിക വിദ്യ, ഒരു കോടി രൂഫായുടെ കക്കൂസ് ബസ്സ്‌ തുടങ്ങി ഒരു മേശയും രണ്ട് കസേരയും മാത്രം മുതൽ മുടക്ക് ഉള്ള മൃദംഗവിഷൻ വരെ. ദേവസ്വം എന്ന അമ്പലം വിഴുങ്ങി ബോർഡും വച്ച് വിശ്വാസികളുടെ കണ്ണിൽ പൊടിയിട്ട് ക്ഷേത്രങ്ങളായ ക്ഷേത്രങ്ങളുടെ കഴുക്കോൽ വരെ അടിച്ച് മാറ്റാൻ കഴിവുള്ള മോഷണ ബ്രില്യൻസ് തിരിച്ചറിയാൻ കഴിയാതെ പോയ ചമ്പൂർണ്ണ ചാച്ചരത .

സാക്ഷാൽ വീരപ്പനെ പോലും ബഹുദൂരം പിന്നിലാക്കിയ മൂവർ കൊള്ള സംഘം മരമായ മരം അപ്പാടെ മൂടോടെ മുറിച്ചെടുത്ത് തുടങ്ങിയ ചാനൽ. എന്നിട്ട് അവിടെ നാലഞ്ചു ജീർണ്ണലിസ്റ്റുകൾക്ക് കോട്ടും സൂട്ടും കൊടുത്ത് ശേഷം ഓരോരുത്തരുടെ കയ്യിലും വല്യേ ബാർ 501 അലക്ക് സോപ്പ് കൊടുത്ത് എന്നെയും ബ്രദേഴ്സിനെയും അലക്കെടാ അലക്കി അലക്കി വെളുപ്പിക്കാൻ പറഞ്ഞു. അതുങ്ങള് മൊതലാളി കൊടുത്ത വെളുത്തേടരുടെ പണി ചെയ്തപ്പോൾ അത് കണ്ട് കണ്ട് റേറ്റിങ് കൂട്ടി കൊടുത്ത മല്ലു പ്രബുദ്ധത.

അതേ കൊള്ള ചാനൽ മെസ്സി ഇപ്പൊ വരും ട്ടാ എന്ന് പറഞ്ഞപ്പോൾ ചാടി ഇറങ്ങി സ്‌പെയിനിൽ പോയി ചുറ്റിയടിച്ച മന്ത്രി. ഒന്നല്ല, രണ്ടല്ല മൂന്ന് വട്ടം ട്രീ കട്ടർ പറ്റിച്ചിട്ടും മനസ്സിലാവാതെ പോയ അന്തം മന്ത്രി. ഒടുക്കം മെസ്സി നെക്സ്റ്റ് ടൈം വിൻഡോ എടുത്ത് കക്ഷത്തിൽ വച്ച് വരുമെന്ന് പറഞ്ഞപ്പോൾ അത് ശരി വച്ച് ഇരിക്കുന്ന നൂറ് ശതമാനം ലിറ്ററസി ഉള്ള പ്രപുത്ത മല്ലൂസ് .

മലയാളിയെ മലയാളി തന്നെ സമർത്ഥമായി വീണ്ടും വീണ്ടും പറ്റിച്ചുക്കൊണ്ടേയിരിക്കുന്നു !! പ്രബുദ്ധ സാക്ഷര നമ്പർ വൺ നവോത്ഥാന പുരോഗമന കേരളത്തിലെ ഇക്കൊല്ലത്തെ ഉഡായിപ്പിന്റെ പേര് മെസ്സി വരുംട്ടാ, വരുല്ലട്ടാ നാടകം. പറ്റിക്കപ്പെടാൻ അരയും തലയും മുറുക്കി വരി വരിയായി മല്ലു മണ്ടന്മാർ ഉള്ളത് കൊണ്ട് 2026 ന്റെ സ്റ്റേജിൽ കേറാൻ അടുത്ത ഉഡായിപ്പ് എപ്പോഴേ റെഡി ആയിട്ടുണ്ടാവും ട്രീ കട്ടറിന്റെ ചാനൽ ഫ്ലോറിൽ. ഇതാണ് പുള്ളേ നുമ്മ പറഞ്ഞ നൂറിൽ നൂറ് സാക്ഷരത ! നൂറ്റെട്ട് ശതമാനം പ്രബുദ്ധത !! ഇത്രേം ഗതി കെട്ടവന്മാർ എവിടെ കാണും ഗുയ്സ്‌???യാണ് പ്രതീക്ഷിക്കുന്നത്.