ലോകമൊട്ടാകെ ഭീഷണി പടര്‍ത്തി പടരുന്ന സിക്ക് വൈറസ് തലസ്ഥാനത്ത് പടരുന്നതായി റിപ്പോര്‍ട്ട്.
തിരുവനന്തപുരം ജില്ലയിലും നഗരത്തിലും ഈഡിസ് കൊതുകിന്റെ സാന്ദ്രത കൂടിയതിനാല്‍ സിക്ക പനിപടര്‍ന്നു പിടിക്കാനുള്ള സാധ്യതയേറിയതായി ജില്ലാ ആരോഗ്യ വിഭാഗത്തിന്റെ മുന്നറിയിപ്പ്
ഡെങ്കിപ്പനി,മലമ്പനി, ചെള്ള്പനി, എലിപ്പനി എന്നിവ ജില്ലയില്‍ തിരുവനന്തപുരം നഗരത്തിലാണ് കൂടുതലായി റിപ്പോര്‍ട്ട് ചെയ്യുന്നതെന്നും ഡി.എം.ഒ.കെ വേണുഗോപാല്‍ അറിയിച്ചു.
സീക്ക പനി പെട്ടാല്‍ അത് വളരെ വേഗത്തില്‍ വ്യാപിക്കാനുള്ള സാഹചര്യവും ജില്ലയില്‍ കൂടുതലാണ്. അതിനാല്‍ വിമാനത്താവളം ഉള്‍പ്പെടെയുള്ള സ്ഥലങ്ങളില്‍ ആരോഗ്യപ്രവര്‍ത്തകര്‍ 24 മണിക്കൂറും നിരീക്ഷണം നടത്തുന്നുണ്ട്. ഡങ്കിപ്പനിക്ക് സമാനമായ ലക്ഷണങ്ങളാണഅ സിക്കാ പനിയുടെതും. പനി ബാധിച്ച് ഏതെങ്കിലും യാത്രക്കാര്‍ വിമാനത്താവളത്തില്‍ വന്നിറങ്ങിയാല്‍ അവരെ വിദഗ്ദ്ധ പരിശോധനയ്ക്ക് വിധേയമാക്കിയതിനുശേഷമാണ് പുറത്തു വിടുന്നതെന്നും ഡിഎംഒ അറിയിച്ചു.
പകര്‍ച്ചവ്യാധികള്‍ പടര്‍ന്നു പിടിക്കാനുള്ള സാധ്യത കണക്കിലെടുത്ത് നഗരത്തിലോ മുഴുവന്‍ വാര്‍ഡുകളും കേന്ദ്രീകരിച്ച് ഊര്‍ജ്ജ് ഉറവിട നശീകരണ പ്രവര്‍ത്തനങ്ങള്‍ 21 മുതല്‍ 28 വരെ നടത്തുമെന്ന് ഡിഎംഒ അറിയിച്ചു. ആശ കുടുംബശ്രീ പ്രവര്‍ത്തകര്‍, മറ്റ് സന്നദ്ധ സംഘടന പ്രവര്‍ത്തകര്‍, റസിഡന്‍സ് അസോസിയേഷന്‍ അംഗങ്ങള്‍ എന്നിവരുടെ സഹകരണത്തോടു കൂടിയാണ് പ്രവര്‍ത്തനങ്ങള്‍ നടത്തുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha