മെഡിക്കല് കോളേജില് അത്യാഹിത വിഭാഗത്തിലെ ലിഫ്റ്റില് 6 പേര് കുടുങ്ങി
തിരുവനന്തപുരം മെഡിക്കല് കോളേജില് അത്യാഹിത വിഭാഗത്തിലെ ലിഫ്റ്റില് ആറു പേര് കുടുങ്ങിയതായി റിപ്പോര്ട്ട്.നിരവധി തവണ കറണ്ട് കട്ടായതാണ് ലിഫ്റ്റ് പ്രവര്ത്തന രഹിതമാകാന് കാരണമെന്നാണ് നിഗമനം. സുരക്ഷാ ജീവനക്കാരെത്തി താക്കോല് ഉപയോഗിച്ച് ലിഫ്റ്റ് തുറന്നു ആറുപേരെയും പുറത്തിറക്കി. പിന്നാലെ അത്യാഹിത വിഭാഗത്തിലെ ലിഫ്റ്റ് ഇപ്പോള് അടച്ചിട്ടിരിക്കുകയാണ്.
നേരത്തെ ജനുവരി മാസത്തില് തിരുവനന്തപുരം മെഡിക്കല് കോളേജ് ആശുപത്രിയിലെ ലിഫ്റ്റില് 42 മണിക്കൂര് രോഗി കുടുങ്ങിയ സംഭവത്തില് അഞ്ച് ലക്ഷം രൂപ സര്ക്കാര് നഷ്ടപരിഹാരം നല്കണമെന്ന് മനുഷ്യാവകാശ കമ്മീഷന് ചെയര്പേഴ്സണ് ജസ്റ്റിസ് അലക്സാണ്ടര് തോമസ് ഉത്തരവിട്ടിരുന്നു.
പോങ്ങുംമൂട് സ്വദേശി രവീന്ദ്രന് നായര് കഴിഞ്ഞ വര്ഷം ജൂലൈ 13ന് രാവിലെ 11.15 മുതല് ജൂലൈ 15 രാവിലെ ആറുവരെ മെഡിക്കല് കോളേജിലെ ലിഫ്റ്റില് കുടുങ്ങി പോയ സംഭവത്തിലാണ് നടപടി.
https://www.facebook.com/Malayalivartha
