പോസ്റ്റര് യുദ്ധം തുടരുന്നു, ഇരുമുന്നണികളും പോസ്റ്ററിന്റെ ഉറവിടമന്വേഷിക്കാന് പ്രാദേശിക നേതാക്കളോട് ആവശ്യപ്പെട്ടതായി സൂചന
സിപിഐഎമ്മിലെയും കോണ്ഗ്രസിലെയും പോസ്റ്റര് യുദ്ധം തുടരുന്നു. സംസ്ഥാനത്തിന്റെ വിവിധ ഭാഗങ്ങളില് സ്ഥാനാര്ത്ഥികള്ക്കെതിരെ പോസ്റ്റര് പ്രചരിക്കുകയാണ്. ഇരു പാര്ട്ടികള്ക്കും ഓരോ ദിവലവും പുതിയ പോസ്റ്ററുകള് പ്രത്യക്ഷപ്പെടുന്നത് തല വേദനയായി മാറിയിരിക്കുകയാണ്. ഇറക്കുമതി സ്ഥാനര്ത്ഥികള്ക്കെതിരെയാണഅ കൂടുതലും പോസ്റ്ററുകള് പ്രത്യക്ഷപ്പെട്ടിരിക്കുന്നത്.
സിപിഐഎം ജില്ലാ സെക്രട്ടറിയേറ്റ് തീരുമാനിച്ച സ്ഥാനാര്ത്ഥികള്ക്കെതിരെയാണ് വ്യാപകമായി പോസ്റ്ററുകള് പതിച്ചിരിക്കുന്നത്. പേരാമ്പ്രയില് ടി പി രാമകൃഷ്ണന് എതിരെ പോസ്റ്റര് പ്രത്യക്ഷപ്പെട്ടു. ടി പി യെ സ്ഥാനാര്ത്ഥിയാക്കിയാല് വടകരയിലെ തെരഞ്ഞെടുപ്പ് ഫലം പേരാമ്പ്രയില് ആവര്ത്തിക്കും എന്നാണ് പോസ്റ്ററില് പറയുന്നത്. വടകരയില് ഷംസീറിനെ തോല്പ്പിക്കാന് ശ്രമിച്ച ടിപി ക്ക് വോട്ട് ചെയ്യാന് കഴിയില്ലെന്നും പോസ്റ്ററില് പരാമര്ശമുണ്ട്.
കോന്നിയിലെ സ്ഥാനാര്ത്ഥി അഡ്വ .ആര് സനില് കുമാറിന് എതിരെയാണ് മയിലപ്പാറ, കോന്നി പ്രദേശങ്ങളില് പോസ്റ്റര് പതിച്ചിരിക്കുന്നത്. ഇറക്കുമതി സ്ഥാനാര്ത്ഥിയെ കോന്നിക്ക് വേണ്ട എന്നാണ് പോസ്റ്ററില് പറയുന്നത്. തൃശ്ശൂര് വടക്കാഞ്ചേരിയില് കെപിഎസ് സി ലളിതയക്ക് എതിരെ ഇന്ന് വീണ്ടും പോസ്റ്ററുകള് പ്രത്യക്ഷപ്പെട്ടിട്ടുണ്ട്. പാര്ട്ടി പ്രവര്ത്തകരുടെ വികാരം മാനിക്കാതെ പോകരുത്. ജനകിയ മുഖങ്ങള് തഴയപ്പെടുന്നു എന്നും പോസ്റ്ററില് ആരോപണം ഉന്നയിക്കുന്നു. ഏറ്റുമാനൂര് മണ്ഡലത്തില് ചില സ്ഥലങ്ങളില് യുഡിഎഫിന്റെ പേരില് പോസ്റ്ററുകള് പ്രത്യക്ഷപ്പെട്ടു. ജയസാധ്യതയില്ലാത്ത സ്ഥാനാര്ഥിയെ മാറ്റൂ, വിജയസാധ്യതയുള്ള ആളെ കൊണ്ടുവരൂ, മണ്ഡലം വിട്ടുകൊടുക്കാന് തയാറല്ല... എന്നൊക്കെ പോസ്റ്ററുകള് പറയുന്നു.
തിരുവനന്തപുരം മണ്ഡലത്തില് എല്ഡിഎഫില് നിന്നു സീറ്റു പ്രതീക്ഷിക്കുന്ന ജനാധിപത്യ കേരള കോണ്ഗ്രസ് നേതാവ് ആന്റണി രാജുവിനെതിരെയാണു പോസ്റ്ററുകള്. 'ആറുവര്ഷം മുന്പ് ഇടതുമുന്നണി, ആറുമാസം മുന്പ് വലതു മുന്നണി, ആറ് ആഴ്ച മുന്പു ബിജെപി മുന്നണി, ആറുദിവസം കഴിഞ്ഞ്?' തുടങ്ങിയ പരിഹാസങ്ങളും പോസ്റ്ററുകളിലുണ്ട്. മണ്ഡലത്തില് എല്ഡിഎഫിനു വേണ്ടി മല്സരിക്കാന് കേരള കോണ്ഗ്രസ് സ്കറിയ തോമസ് വിഭാഗം വര്ക്കിങ് ചെയര്മാന് വി. സുരേന്ദ്രന് പിള്ളയും ആന്റണി രാജുവുമാണു ശ്രമം നടത്തുന്നത്.പത്തനംതിട്ട ജില്ലയിലെ ആറന്മുള നിയോജക മണ്ഡലത്തില് മാധ്യമപ്രവര്ത്തക വീണാ ജോര്ജിനെ എല്ഡിഎഫ് സ്ഥാനാര്ഥിയാക്കുന്നതിനെതിരെ നഗരത്തില് സേവ് സിപിഎം എന്ന പേരില് ജില്ലാനേതൃത്വത്തെ വിമര്ശിച്ചുള്ള കയ്യെഴുത്തു പോസ്റ്ററുകളിറങ്ങി . കണ്ണൂര് ജില്ലയിലെ ഇരിക്കൂര് മണ്ഡലത്തില് മന്ത്രി കെ.സി. ജോസഫ് കോണ്ഗ്രസ് സ്ഥാനാര്ഥിയാകുന്നതിനെതിരെ പോസ്റ്ററുകള് പ്രത്യക്ഷപ്പെട്ട സംഭവത്തില് കെപിസിസി ജനറല് സെക്രട്ടറി പി.എം. സുരേഷ് ബാബു അന്വേഷണം തുടങ്ങി. കെപിസിസി ജനറല് സെക്രട്ടറി സജീവ് ജോസഫിനെതിരെ നടന്ന പോസ്റ്റര് പ്രചാരണവും കെപിസിസി അന്വേഷിക്കുന്നുണ്ട്. കെ.സി. ജോസഫിനെതിരെയുള്ള പോസ്റ്ററുകള്ക്കു പിന്നില് സജീവാണെന്നാരോപിച്ചാണു പോസ്റ്ററുകള് പ്രത്യക്ഷപ്പെട്ടത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
