കാസര്കോട് കുമ്പളയില് സ്കൂട്ടര് മതിലില് ഇടിച്ചുണ്ടായ അപകടത്തില് പത്താംക്ലാസ് വിദ്യാര്ഥിനിക്ക് ദാരുണാന്ത്യം...
07 NOVEMBER 2025 08:41 AM IST
മലയാളി വാര്ത്ത
കാസര്കോട് കുമ്പളയില് സ്കൂട്ടര് മതിലില് ഇടിച്ചുണ്ടായ അപകടത്തില് പത്താംക്ലാസ് വിദ്യാര്ഥിനിക്ക് ദാരുണാന്ത്യം. ബമ്പ്രാണ ചൂരിത്തടുക്ക സ്വദേശി റിസ്വാനയാണ് മരിച്ചത്. വ്യാഴാഴ്ച രാവിലെ 10 മണിയോടെ ആയിരുന്നു സംഭവം നടന്നത്.
ലൈസന്സും ഹെല്മറ്റും ആവശ്യമില്ലാത്ത ഇലക്ട്രിക് സ്കൂട്ടറില് കൂട്ടുകാരിക്കൊപ്പം ട്യൂഷന് സെന്ററിലേക്ക് പോകുന്ന വഴിയാണ് അപകടം ഉണ്ടായത്. വാഹനം നിയന്ത്രണം നഷ്ടപ്പെട്ട് മതിലില് ഇടിക്കുകയായിരുന്നു. കൊടിയമ്മ സ്കൂളിലെ പത്താം ക്ലാസ് വിദ്യാര്ഥിനികളാണ് രണ്ടു പേരും.
ഗുരുതരമായി പരിക്കേറ്റ റിസ്വാനയെ ആദ്യം കുമ്പളയിലെ ആശുപത്രിയില് എത്തിക്കുകയും പിന്നീട് മംഗലാപുരത്തെ സ്വകാര്യ ആശുപത്രിയിലേക്ക് മാറ്റുകയും ചെയ്തു. ആന്തരികാവയവങ്ങള്ക്ക് ഗുരുതരമായി പരിക്കേറ്റിരുന്ന റിസ്വാനയെ വെന്റിലേറ്ററിലേക്ക് മാറ്റിയെങ്കിലും ജീവന് രക്ഷിക്കാൻ കഴിഞ്ഞില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
