മുൻ എക്‌സൈസ് മന്ത്രിയും കോൺഗ്രസ് നേതാവുമായ എം ആർ രഘുചന്ദ്രബാൽ (75) അന്തരിച്ചു. തിരുവനന്തപുരത്തെ സ്വകാര്യ ആശുപത്രിയിൽ പുലർച്ചെ ആയിരുന്നു അന്ത്യം. 1991ൽ കരുണാകരൻ മന്ത്രിസഭയിൽ എക്സൈസ് മന്ത്രി ആയിരുന്നു. 1980ൽ കോവളത്തുനിന്നും 1991ൽ പാറശാലയിൽനിന്നും നിയമസഭയിൽ എത്തി.

കാഞ്ഞിരംകുളം പഞ്ചായത്ത് പ്രസിഡന്റായും സേവനം അനുഷ്ഠിച്ചിട്ടുണ്ട്. മന്ത്രിയായിരിക്കെയായിരുന്നു വിവാഹം നടന്നത്. നാടകങ്ങൾ എഴുതുകയും അഭിനയിക്കുകയും ഗാനങ്ങൾ തയ്യാറാക്കുകയും ചെയ്തിട്ടുണ്ട്. ഭാര്യ സി എം ഓമന. മക്കൾ: ആർ പ്രപഞ്ച് ഐഎഎസ്, ആർ വിവേക്