മുന്നറിയിപ്പുമില്ലാതെ വൈദ്യുതി മുടങ്ങുന്നു: അന്വേഷിക്കാനെത്തിയ ഉദ്യോഗസ്ഥര്‍ കാരണം കണ്ട് ഞെട്ടി
മുന്നറിയിപ്പുമില്ലാതെ വൈദ്യുതി മുടങ്ങുന്നത് പതിവായതിനാല്‍ നാട്ടുകാര്‍ കെഎസ്ഇബിയെ സമീപിച്ചു. മാനന്തവാടി സബ് ഡിവിഷന് കീഴിലാണ് യാതൊരു മുന്നറിയിപ്പുമില്ലാതെ വൈദ്യുതി മുടങ്ങുന്നത്. സംഭവം ഗൗരവത്തിലെടുത്ത കെഎസ്ഇബി ഉദ്യോഗസ്ഥര്‍ ഇതേക്കുറിച്ച് അന്വേഷിക്കാനിറങ്ങിയപ്പോഴാണ് വൈദ്യുതി മുടക്കുന്നതിന് പിന്നില്‍ ഒരാളാണെന്ന് മനസിലായത്. കാരണം മിക്ക ട്രാന്‍സ്‌ഫോമറില്‍ നിന്നും ഫ്യൂസ് ഊരിമാറ്റിയ നിലയിലായിരുന്നു.
സംഭവത്തില്‍ പൊലീസില്‍ പരാതി നല്‍കിയതോടെ ഫ്യൂസ് കള്ളനെ കുടുക്കി. മാനന്തവാടി കല്ലുമുട്ടംക്കുന്ന് ഉന്നതിയിലെ വാസുവാണ് പിടിയിലായത്. മാനന്തവാടി മേഖലയിലെ വിവിധ പ്രദേശങ്ങളില്‍ നിന്നായി ആറ് ഫ്യൂസുകളാണ് പ്രതി മോഷ്ടിച്ചത്. മാനന്തവാടി എസ്എച്ച്ഒ പി. റഫീഖ്, എസ്‌ഐ പി ജിതിന്‍ കുമാര്‍, ജൂനിയര്‍ എസ്‌ഐ മുര്‍ഷിദ്, എഎസ്‌ഐ മുഹമ്മദലി എന്നിവരായിരുന്നു അന്വേഷണ സംഘത്തിലുണ്ടായിരുന്നത്.
https://www.facebook.com/Malayalivartha
