മണ്ണാറശാല ആയില്യ മഹോത്സവം നാളെ: ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും എല്ലാ സര്ക്കാര് ഓഫീസുകള്ക്കും പ്രാദേശിക അവധി
മണ്ണാറശാല ശ്രീ നാഗരാജ ക്ഷേത്രത്തിലെ തുലാമാസ ആയില്യ മഹോത്സവം നാളെയാണ്. ആയില്യപൂജയും എഴുന്നള്ളത്തും നാളെ നടക്കും. ഇതിന്റെ ഭാഗമായി നവംബര് 12 ബുധനാഴ്ച ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും എല്ലാ സര്ക്കാര് ഓഫീസുകള്ക്കും പ്രാദേശിക അവധി അനുവദിച്ച് ജില്ലാ കളക്ടര് ഉത്തരവിറക്കി. എന്നാല്, പൊതുപരീക്ഷകള് നേരത്തേ നിശ്ചയിച്ച പ്രകാരം നടക്കും.
വാസുകി ഭാവത്തിലുള്ള തിരുവാഭരണമാണ് ആയില്യം നാളില് ചാര്ത്തുന്നത്. ആയില്യ മഹോത്സവത്തിന്റെ ഭാഗമായി രാവിലെ ഒമ്പത് മുതല് ഇല്ലത്ത് നിലവറയ്ക്ക് സമീപം വലിയമ്മ സാവിത്രി അന്തര്ജനം ഭക്തര്ക്ക് ദര്ശനം നല്കും.
ഉച്ചപൂജയ്ക്ക് ശേഷം കുടുംബ കാരണവരുടെ നേതൃത്വത്തില് നിലവറയോട് ചേര്ന്നുള്ള തളത്തില് ശംഖ്, കുരവ എന്നിവയുടെ അകമ്പടിയോടെ ആയില്യം പൂജയ്ക്കായുള്ള നാഗപത്മക്കളം വരയ്ക്കും. കളം പൂര്ത്തിയാകുന്നതോടെ വലിയമ്മ തീര്ത്ഥക്കുളത്തില് കുളിച്ച് ക്ഷേത്രത്തിലെത്തി ചടങ്ങുകള്ക്ക് ശേഷം ആയില്യം എഴുന്നള്ളത്ത് നടക്കും.
https://www.facebook.com/Malayalivartha
