രണ്ടു വയസ്സുകാരന് വിഴുങ്ങിയ അഞ്ച് കോയിന് ടൈപ്പ് ബാറ്ററികള്
കളിക്കുന്നതിനിടയില് കളിപ്പാട്ടത്തില് നിന്നെടുത്ത കോയിന് ടൈപ്പ് ബാറ്ററികള് രണ്ടു വയസ്സുകാരന് വിഴുങ്ങി. അഞ്ച് കോയിന് ടൈപ്പ് ബാറ്ററികളാണ് രണ്ട് വയസ്സുകാരന് വിഴുങ്ങിയത്. ബത്തേരി മൂലങ്കാവ് സ്വദേശികളുടെ മകനാണ് കളിക്കുന്നതിനിടെ ബാറ്ററികള് വായില് ഇട്ടത്. ബാറ്ററികള് വിഴുങ്ങുന്നത് കണ്ട വീട്ടുകാര് ഉടനെ ഡോ.മൂപ്പന്സ് മെഡിക്കല് കോളജില് എത്തിക്കുകയായിരുന്നു.
തുടര്ന്ന് ഗാസ്ട്രോ എന്ററോളജി വിഭാഗം സ്പെഷലിസ്റ്റ് ഡോ.സൂര്യനാരായണയുടെ നേതൃത്വത്തിലാണ് എന്ഡോസ്കോപ്പിയിലൂടെ ബാറ്ററികള് പുറത്തെടുത്തത്. സമയബന്ധിതമായി ചികിത്സ ഉറപ്പാക്കാനായതിനാലാണ് വലിയ അപകടം ഒഴിവാക്കാന് സാധിച്ചതെന്നും കുട്ടിയുടെ ആരോഗ്യനില തൃപ്തികരമാണെന്നും ആശുപത്രി അധികൃതര് അറിയിച്ചു.
ബാറ്ററികള് ആമാശയത്തില് എത്തിയാല് ഉള്ളിലെ അസിഡിക് പ്രവര്ത്തനത്തിലൂടെ പൊട്ടാനുള്ള സാധ്യതയുണ്ടെന്നും അങ്ങനെയുണ്ടായാല് കുടല്, കരള് തുടങ്ങിയ അവയവങ്ങളില് ഗുരുതരമായ ക്ഷതം ഉണ്ടാകുമെന്നും ഡോ.സൂര്യനാരായണ പറഞ്ഞു. അതത് പ്രായത്തിന് അനുയോജ്യമായ കളിപ്പാട്ടങ്ങള് മാത്രം കുട്ടികള്ക്ക് നല്കാന് മാതാപിതാക്കള് ശ്രദ്ധിക്കേണ്ടതുണ്ടെന്നും ഇത്തരത്തില് കളിപ്പാട്ടങ്ങളുമായി ഇരിക്കുന്ന കുട്ടികള് മുതിര്ന്നവരുടെ നിരീക്ഷണത്തില് ആയിരിക്കണമെന്നും അദ്ദേഹം അഭിപ്രായപ്പെട്ടു. ഡോ.അഖില്, ഡോ. അഞ്ജന എന്നിവരും ചികിത്സയില് പിന്തുണ നല്കി.
https://www.facebook.com/Malayalivartha
