ശബരിമല നെയ്യ് ക്രമക്കേടില് രണ്ട് കച്ചവടക്കാര് അറസ്റ്റില്

2025-26 കാലയളവില് ശബരിമല നെയ്യ് ക്രമക്കേടുമായി ബന്ധപ്പെട്ട് തമിഴ്നാട് സ്വദേശികളായ നെയ്യ് വ്യാപാരികളെ അറസ്റ്റ് ചെയ്തു. ഒട്ടന്ഛത്രത്തിലെ പ്രമുഖ നെയ്യ് വ്യാപാരികളായ വെങ്കിടേശ്വന്, കുമരന് എന്നിവരെയാണ് വിജിലന്സ് അറസ്റ്റ് ചെയ്തത്. കൊല്ലം വിജിലന്സ് കോടതിയില് ഹാജരാക്കിയ ഇവരെ 14 ദിവസത്തേക്കു റിമാന്ഡ് ചെയ്തു. തട്ടിപ്പിനായി വ്യാജരേഖയുണ്ടാക്കിയതായും വിജിലന്സ് കണ്ടെത്തിയിട്ടുണ്ട്. ഇതിന്റെ അടിസ്ഥാനത്തില് ദേവസ്വം ബോര്ഡിലെ കൂടുതല് ജീവനക്കാര്ക്കെതിരെ നടപടിയുണ്ടാകുമെന്നും വിജിലന്സ് പറയുന്നു. ശബരിമലയിലേക്കുള്ള നെയ്യ് ആണെന്ന് അറിഞ്ഞുകൊണ്ടുതന്നെ ഇവര് ബിനുവില്നിന്ന് നെയ്യ് വാങ്ങിയെന്നാണു വിജിലന്സിന്റെ കണ്ടെത്തല്. മൂന്നു ലോഡ് നെയ്യ് ഇത്തരത്തില് മറിച്ചുവിറ്റുവെന്നാണ് പ്രതികള് നല്കിയിരിക്കുന്ന മൊഴി.
മുഖ്യപ്രതി കൊല്ലം സ്വദേശിയായ ട്രാന്സ്പോര്ട്ട് കരാറുകാരന് ബിനുവിനെയും ദേവസ്വം ജീവനക്കാരനും നെയ്യ് ഗോഡൗണിലെ ജീവനക്കാരനായ ജയലാലിനെയും അറസ്റ്റ് ചെയ്തു ചോദ്യം ചെയ്തപ്പോഴാണ് അന്വേഷണം നെയ്യ് വ്യാപാരികളിലേക്കു നീണ്ടത്. ബിനു മില്മയുടെ പത്തനംതിട്ട ഡയറിയില്നിന്നു നെയ്യ് ശേഖരിച്ച് ശബരിമലയിലേക്കു കൊണ്ടുപോകുന്നതിനു മകരം ഒട്ടന്ഛത്രത്തില് എത്തിച്ച് 50 ലക്ഷം രൂപയ്ക്കു രണ്ടു വ്യാപാരികള്ക്കു വിറ്റതിനു ശേഷം ഗുണനിലവാരം കുറഞ്ഞ നെയ്യാണ് സന്നിധാനത്ത് എത്തിച്ചത്. ബിനുവിന്റെ മൊഴിയുടെ അടിസ്ഥാനത്തില് വെങ്കടേശ്വരനെയും കുമരനെയും ചോദ്യം ചെയ്യാന് വിളിച്ചു വരുത്തിയ ശേഷം അറസ്റ്റ് ചെയ്തു കോടതിയില് ഹാജരാക്കുകയായിരുന്നു. ഇവരുടെ മുന്കൂര് ജാമ്യാപേക്ഷ കോടതി കഴിഞ്ഞ ദിവസം തള്ളിയിരുന്നു.
https://www.facebook.com/Malayalivartha

























