തിരുവനന്തപുരം നെയ്യാറ്റിന്‍കരയില്‍ ഒരു വയസുകാരന്‍ കുഴഞ്ഞു വീണ് മരിച്ചു. നെയ്യാറ്റിന്‍കര കവളാകുളം സ്വദേശി ഷിജിന്റെയും കൃഷ്ണപ്രിയയുടെയും മകന്‍ ഇഖാന്‍ ആണ് മരിച്ചത്. ഇന്നലെ രാത്രിയിലാണ് കുഞ്ഞ് കുഴഞ്ഞുവീണ് മരിച്ചത്.

ഉടന്‍ തന്നെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. ഒരാഴ്ച്ച മുമ്പ് കുഞ്ഞ് നിലത്ത് വീണ് പരിക്കേറ്റിട്ടുണ്ടായിരുന്നു. മരണകാരണം എന്താണെന്ന് പരിശോധിച്ചുവരികയാണ്.