ദീപക്കിന്റെ മരണം; പ്രതിയെ ജാഗ്രതയോടെ വലയില് കുരുക്കി പോലീസ്..സോഷ്യല് മീഡിയ ഇന്ഫ്ലുവന്സര് ഷിംജിത മുസ്തഫ അറസ്റ്റില്..വടകരയിലെ ബന്ധുവീട്ടില് ഒളിവില് കഴിയവെയാണ് യുവതിയെ പിടികൂടിയത്..
ഒളിവ് ജീവിതം അവസാനിച്ചു . ദീപക്കിന്റെ മരണത്തിന് കാരണക്കാരിയായ സോഷ്യല് മീഡിയ ഇന്ഫ്ലുവന്സര് ഷിംജിത മുസ്തഫ അറസ്റ്റില്.
ബസിലെ ലൈംഗികാതിക്രമ ആരോപണത്തിന് പിന്നാലെ യുവാവ് ജീവനൊടുക്കിയ സംഭവത്തില് വീഡിയോ പകര്ത്തി പങ്കുവെച്ച സോഷ്യല് മീഡിയ ഇന്ഫ്ലുവന്സര് ഷിംജിത മുസ്തഫ അറസ്റ്റില്. വടകരയിലെ ബന്ധുവീട്ടില് ഒളിവില് കഴിയവെയാണ് യുവതിയെ പിടികൂടിയത്. ദീപക്കിന്റെ മാതാപിതാക്കളുടെ പരാതിയില് ആത്മഹത്യാ പ്രേരണാക്കുറ്റം ചുമത്തി കേസെടുത്തതിന് പിന്നാലെ ഒളിവില്പ്പോയ ഷിംജിത എവിടെ എന്നതിനെക്കുറിച്ച് പൊലീസിന് കൃത്യമായ സൂചനകള് ലഭിച്ചിരുന്നില്ല.
പ്രതി വിദേശത്തേക്ക് കടക്കാനുള്ള സാധ്യത കണക്കിലെടുത്ത് പൊലീസ് ലുക്ക്ഔട്ട് നോട്ടീസ് പുറത്തിറക്കിയിരുന്നു. പ്രതിയ്ക്ക് രക്ഷപ്പെടാന് പൊലീസ് അവസരം ഒരുക്കി എന്നും തെളിവുകള് നശിപ്പിക്കപ്പെട്ടിട്ടുണ്ടാകുമെന്നും ദീപക്കിന്റെ ബന്ധുക്കള് ആരോപിച്ചിരുന്നു. അതിനിടെ ഷിംജിത മുസ്തഫ മുന്കൂര് ജാമ്യാപേക്ഷ സമര്പ്പിച്ചിരുന്നു. കോഴിക്കോട് ജില്ലാ കോടതി അപേക്ഷ നാളെ പരിഗണിക്കാനിരിക്കെയാണ് യുവതി പിടിയിലായത്.
സംഭവവുമായി ബന്ധപ്പെട്ട് യുവതിയുടെ മൊഴി പൊലീസ് രേഖപ്പെടുത്തിയിരുന്നു. എന്നാല് ഇതിന് പിന്നാലെ യുവതി ഒളിവില് പോയി. ഇതിനിടെ ഇവര് മുന്കൂര് ജാമ്യത്തിനായി കോഴിക്കോട് ജില്ലാ കോടതിയില് അപേക്ഷ നല്കി. അഡ്വ. നല്സണ് ജോസ് മുഖാന്തരമാണ് മുന്കൂര് ജാമ്യത്തിന് അപേക്ഷ നല്കിയത്. സംഭവത്തില് ഷിംജിതയ്ക്കെതിരെ ആത്മഹത്യാ പ്രേരണക്കുറ്റം ചുമത്തിയാണ് പൊലീസ് കേസെടുത്തിരിക്കുന്നത്. ആത്മഹത്യ ചെയ്ത ദീപക്കിന്റെ അമ്മ നല്കിയ പരാതിയിലാണ് കേസെടുത്തത്.
പ്രതിയെ സ്റ്റേഷനിലേയ്ക്ക് എത്തിക്കുന്നതിന്റെ നടപടികൾ ആരംഭിച്ചു. കൊയിലാണ്ടി താലൂക്ക് ആശുപത്രിയിലെ വൈദ്യപരിശോധനയ്ക്ക് ശേഷമാണ് ഷിംജിതയെ സ്റ്റേഷനിലേയ്ക്ക് എത്തിക്കുന്നത്.
https://www.facebook.com/Malayalivartha
