സ്കൂള് വിദ്യാര്ത്ഥിയെ നാല് ആണ്കുട്ടികള് ചേര്ന്ന് ക്രൂരമായി മര്ദിച്ചു
സ്കൂള് വിദ്യാര്ത്ഥിയായ 15കാരനെ പൈങ്ങോട്ടൂര് ബസ് സ്റ്റാന്ഡിന് സമീപം സമപ്രായക്കാരായ നാലുപേര് ചേര്ന്ന് ക്രൂരമായി മര്ദിച്ചു. എറണാകുളം പൈങ്ങോട്ടൂരിലാണ് സംഭവം. ഇതിന്റെ വീഡിയോ പുറത്തുവന്നതോടെ പോത്തിനിക്കാട് പൊലീസ് നാലുപേര്ക്കുമെതിരെ ജുവനൈല് ജസ്റ്റിസ് നിയമത്തിലെ 325ാം വകുപ്പ് പ്രകാരം കേസെടുത്തു. നാലുപേരെയും ഇവരുടെ മാതാപിതാക്കളെയും ഇന്ന് രാവിലെ വിളിപ്പിച്ച് മൊഴിയെടുത്ത ശേഷമാണ് നടപടി. പൊലീസ് ജുവനൈല് ജസ്റ്റിസ് ബോര്ഡ് മുമ്പാകെ നല്കിയ റിപ്പോര്ട്ടിന്റെ അടിസ്ഥാനത്തില് മര്ദിച്ചവരെ വിളിപ്പിക്കും.
ഒരാഴ്ച മുമ്പായിരുന്നു കേസിനാസ്പദമായ സംഭവം. പൈങ്ങോട്ടൂര് ബസ് സ്റ്റാന്ഡിന് സമീപം ഉപയോഗിക്കാതെ കിടക്കുന്ന പൊലീസ് എയ്ഡ് പോസ്റ്റില് വച്ചായിരുന്നു മര്ദനം. മൂന്നുപേര് ചേര്ന്ന് വിദ്യാര്ത്ഥിയെ ചോദ്യം ചെയ്യുന്നതും ഇടയ്ക്കിടെ മര്ദിക്കുന്നതും ദൃശ്യങ്ങളില് കാണാം. മൂന്നുപേര് ചേര്ന്ന് കുട്ടിയെ ക്രൂരമായാണ് മര്ദിക്കുന്നത്. നാലാമത്തെയാളാണ് ദൃശ്യങ്ങള് പകര്ത്തിയത്.
തുടര്ന്ന് കുട്ടി സ്ഥലത്തുനിന്ന് ഇറങ്ങിപ്പോകുന്നത് വരെയാണ് സമൂഹമാദ്ധ്യമങ്ങളില് പ്രചരിക്കുന്ന ദൃശ്യങ്ങളിലുള്ളത്. കുട്ടിയുടെ പിതാവ് നല്കിയ പരാതിയുടെ അടിസ്ഥാനത്തിലാണ് രക്ഷിതാക്കളെയും കുട്ടിയെയും പൊലീസ് വിളിപ്പിച്ചത്. എന്നാല്, ഇതില് ചില കുട്ടികളുടെ മാതാപിതാക്കള് കരച്ചിലായതോടെ പരാതി പറഞ്ഞുതീര്ക്കുകയായിരുന്നു. ഇതിന് പിന്നാലെയാണ് മര്ദനത്തിന്റെ വീഡിയോ പ്രചരിച്ചത്. ഇതോടെ പരാതിയുമായി മുന്നോട്ട് പോകാന് മര്ദനമേറ്റ കുട്ടിയുടെ മാതാപിതാക്കള് തീരുമാനിക്കുകയായിരുന്നു. മര്ദിച്ചതില് രണ്ടുപേര് വിദ്യാര്ത്ഥികളും മറ്റ് രണ്ടുപേര് പഠനം നിര്ത്തിയവരുമാണെന്നാണ് വിവരം.
https://www.facebook.com/Malayalivartha
