താന്‍ വിവാഹിതയാവാന്‍ പോവുകയാണെന്ന രേണു സുധിയുടെ പ്രസ്താവന വലിയ ചര്‍ച്ചകള്‍ക്ക് വഴിതുറന്നിരുന്നു. വിവാഹത്തിന് ശേഷം പേരിനൊപ്പമുള്ള സുധി എടുത്തുമാറ്റുമെന്നും രേണു അടുത്തിടെ മാധ്യമങ്ങളോട് പറഞ്ഞിരുന്നു. ഇപ്പോഴിതാ അതില്‍ വിശദീകരണവുമായി എത്തിയിരിക്കുകയാണ് രേണു സുധി. പറയുന്നത് പത്ത് ശതമാനം നുണയാണെന്നും താന്‍ എന്തെങ്കിലുമൊക്കെ വെളിവില്ലാതെ പറയുന്നതാണെന്നുമാണ് രേണു സുധി പറയുന്നത്. ബിഷപ്പിന്റെ ഭൂമി വിഷയവുമായി ബന്ധപ്പെട്ടും രേണു സുധി തന്റെ പ്രതികരണം പറയുന്നുണ്ട്. സ്വന്തമായി കുറച്ച് സ്ഥലം വാങ്ങണമെന്നും ഇപ്പോഴുള്ള കാറിന്റെ ലോണ്‍ അടച്ചുതീര്‍ന്നാല്‍ പുതിയത് വാങ്ങണമെന്നും രേണു പറയുന്നു.

'പത്ത് ശതമാനം നുണയാണ്. അങ്ങനെ ഞാന്‍ പറഞ്ഞിരുന്നവോ എവിടെയെങ്കിലും എന്ന് ചോദിച്ചാല്‍ അത് കൊണ്ടാണല്ലോ ഇങ്ങനെയൊക്കെ വരുന്നത്. ഞാന്‍ എന്തൊക്കെയോ വെളിവില്ലാതെ പറയും. അത് പിന്നീട് വലിയ വിവാദമാകും. കറന്റ് ചാര്‍ജും കാര്യങ്ങളും വണ്ടിയുടെ ലോണുമെല്ലാം അടയ്ക്കുന്നത് ഞാനാണ്.' രേണു പറയുന്നു.

'കാറിന്റെ ലോണ്‍ തീര്‍ന്നശേഷം പുതിയ ഒരു കാര്‍ വാങ്ങാന്‍ ആഗ്രഹമുണ്ട്. സ്വന്തമായി കുറച്ച് സ്ഥലവും വാങ്ങണം. കല്യാണം ആയോയെന്ന് ചോദിച്ചപ്പോള്‍ ഇല്ലായെന്നായിരുന്നു മറുപടി. വീട് വെക്കുന്നതിനെ കുറിച്ച് ഇപ്പോള്‍ ചിന്തിച്ചിട്ടില്ല. പക്ഷെ സ്ഥലം തീര്‍ച്ചയായും വാങ്ങും. അക്കൗണ്ടില്‍ എത്ര പണമുണ്ടെന്ന് ചോദിച്ചാല്‍ ഒരു ലക്ഷമൊന്നുമില്ല. പക്ഷെ അമ്പതിനായിരം എങ്കിലും എപ്പോഴും അക്കൗണ്ടില്‍ കാണും. മുമ്പ് അഞ്ഞൂറ് രൂപ പോലും അക്കൗണ്ടില്‍ ഇല്ലായിരുന്നു. വണ്ടിക്ക് എല്ലാ മാസവും പണം അടയ്ക്കണമല്ലോ.' രേണു കൂട്ടിച്ചേര്‍ത്തു.