ചരിത്രത്തില് ഇടം പിടിക്കുന്ന പദ്ധതിയാണ് 'അക്ഷരം ആരോഗ്യം: മന്ത്രി വീണാ ജോര്ജ്
തിരുവനന്തപുരം: ചരിത്രത്തില് ഇടം പിടിക്കുന്ന പദ്ധതിയാണ് 'അക്ഷരം ആരോഗ്യം' എന്ന് ആരോഗ്യ വകുപ്പ് മന്ത്രി വീണാ ജോര്ജ്. കുട്ടികള് സ്വപ്നങ്ങളിലേക്ക് എത്തപ്പെടണമെങ്കില് അധ്വാനിക്കണമെന്നും അതിന് മികച്ച ആരോഗ്യം അനിവാര്യമാണെന്നും മന്ത്രി പറഞ്ഞു. കുട്ടികളുടെ സമഗ്ര ആരോഗ്യം ലക്ഷ്യമാക്കി സര്ക്കാര് നടപ്പാക്കുന്ന സ്കൂള് ആരോഗ്യ പദ്ധതിയുടെ ഉദ്ഘാടനം തിരുവന്തപുരം കോട്ടണ്ഹില് സ്കൂളില് നിര്വ്വഹിച്ച് സംസാരിക്കുകയായിരുന്നു മന്ത്രി. പദ്ധതിയുടെ ലോഗോ പ്രകാശനവും ആരോഗ്യ വകുപ്പ് മന്ത്രി നിര്വഹിച്ചു.
കുട്ടികള്ക്ക് വേണ്ടി 24 മണിക്കൂറും പ്രവര്ത്തിക്കുന്ന ഹെല്പ്പ് ലൈന് നമ്പര് 104 ന്റെ ഔദ്യോഗിക ഉദ്ഘാടനവും നിര്വഹിച്ചു.
അക്ഷരത്തോടൊപ്പം ആരോഗ്യവും ചേരുമ്പോഴാണ് ഒരു വിദ്യാര്ത്ഥിയുടെ വ്യക്തിത്വം പൂര്ണ്ണമാകുന്നത് എന്ന് അധ്യക്ഷത വഹിച്ച വിദ്യാഭ്യാസ വകുപ്പ് മന്ത്രി വി ശിവന്കുട്ടി അഭിപ്രായപ്പെട്ടു. പഠനകാര്യങ്ങളില് മാത്രമല്ല കുട്ടികളുടെ ശാരീരിക മാനസിക ആരോഗ്യ കാര്യങ്ങളില് പോലും സര്ക്കാര് ശ്രദ്ധിക്കുന്നു എന്നുള്ളതിന് തെളിവാണ് ഈ പദ്ധതിയെന്ന് വിദ്യാഭ്യാസ മന്ത്രി പറഞ്ഞു.
പരിപാടിയുടെ ഭാഗമായി എല്ലാ കുട്ടികള്ക്കും ആരോഗ്യ പരിശോധനക്ക് ശേഷം നല്കുന്ന ഹെല്ത്ത് കാര്ഡ് പ്രകാശനം വിദ്യാഭ്യാസ മന്ത്രിയില് നിന്നും ആന് സണ്ണി, ആശ്രയ കാതറിന് എന്നീ വിദ്യാര്ത്ഥികള് ഏറ്റുവാങ്ങിക്കൊണ്ട് നിര്വഹിച്ചു.
കുട്ടികളിലെ വളര്ച്ച വൈകല്യങ്ങള് നേരത്തെ കണ്ടെത്തി പരിഹരിക്കുന്നതിനു വേണ്ടിയുള്ള ഡിസ്ട്രിക്ട് ഏര്ളി ഇന്റര്വെന്ഷന് സെന്ററിന്റെ വിജയകരമായ പത്തുവര്ഷത്തെ മുന്നിര്ത്തിയുള്ള സുവനീര് 'ആകാശത്തിനു മുകളില് പറന്ന പൂമ്പാറ്റകള്' ആരോഗ്യവകുപ്പ് മന്ത്രി വിദ്യാഭ്യാസ മന്ത്രിയില്നിന്നു ഏറ്റുവാങ്ങി.
എന്. സി. ഇ. ആര്ടിയും എന്.പി.ഇ.പിയും സംയുക്തമായി നടപ്പാക്കുന്ന ഗോത്രായനം പദ്ധതിയുടെ ഭാഗമായി പുറത്തിറക്കിയ 20 പെണ് കവിതകളും കഥകളും വിദ്യാഭ്യാസ മന്ത്രി പ്രകാശനം ചെയ്തു
ആരോഗ്യവകുപ്പ് ഡയറക്ടര് ഡോ. റീന കെ ജെ സ്വാഗതം ആശംസിച്ച ചടങ്ങില് പൊതു വിദ്യാഭ്യാസ ഡയറക്ടര് എന്. എസ്. കെ ഉമേഷ് ഐ.എ.എസ് മുഖ്യാതിഥിയായിരുന്നു. പൊതുവിദ്യാഭ്യാസ അഡീഷണല് ഡയറക്ടര് ജനറല് ഷിബു ആര്. എസ്, തിരുവനന്തപുരം വിദ്യാഭ്യാസ ഉപഡയറക്ടര് ശ്രീജ ഗോപിനാഥ്, ജില്ലാ മെഡിക്കല് ഓഫീസര് (ആരോഗ്യം) ഡോ ബിന്ദു മോഹന്, അഡീഷണല് ഡയറക്ടര് (കുടുംബ ക്ഷേമം) ഡോ. മീനാക്ഷി, ആരോഗ്യ കേരളം തിരുവനന്തപുരം പ്രോഗ്രാം മാനേജര് അനോജ് എസ് എന്നിവര് സംസാരിച്ചു.
https://www.facebook.com/Malayalivartha
