താമരശ്ശേരി ചുരത്തില് വന് ഗതാഗതക്കുരുക്ക്
താമരശ്ശേരി ചുരത്തില് വന് ഗതാഗതക്കുരുക്ക്. മണിക്കൂറുകളായി തുടരുന്ന ഗതാഗത തടസ്സം കാരണം ദീര്ഘദൂര യാത്രക്കാരും കെഎസ്ആര്ടിസി ഉള്പ്പെടെയുള്ള ബസുകളിലെ യാത്രക്കാരും കടുത്ത ദുരിതത്തിലാണ്. വാഹനങ്ങളുടെ അമിത പ്രവാഹം കാരണം ഗതാഗതം സാധാരണ നിലയിലാകാന് സമയമെടുക്കുമെന്നാണ് വിവരം.ചുരം ആറാം വളവില് റോഡ് വീതി കൂട്ടുന്നതുമായി ബന്ധപ്പെട്ട നിര്മാണ പ്രവൃത്തികള് നടക്കുന്നതിനാലാണ് ചുരത്തില് വാഹന ഗതാഗത തടസം നേരിടുന്നത്.
നിര്മാണ ജോലികള് പരിഗണിച്ചും കാലവര്ഷം കനക്കുന്ന സാഹചര്യത്തില് അപകടങ്ങള് ഒഴിവാക്കുന്നതിനും സുഗമമായ ഗതാഗതം ഉറപ്പാക്കുന്നതിനുമായി രാവിലെ ആറു മണി മുതല് രാത്രി എട്ടു മണി വരെ വലിയ മള്ട്ടി ആക്സില് വാഹനങ്ങള്ക്ക് ചുരത്തില് നിയന്ത്രണം ഏര്പ്പെടുത്തിയിരുന്നു. ഈ സമയങ്ങളില് നിര്ത്തിയിട്ടിരുന്ന വലിയ വാഹനങ്ങള് നിയന്ത്രണ സമയത്തിന് ശേഷം ഒന്നിച്ച് ചുരം കയറാനും ഇറങ്ങാനും തുടങ്ങിയതോടെയാണ് ചുരത്തില് കനത്ത തിരക്ക് അനുഭവപ്പെട്ടത്.
https://www.facebook.com/Malayalivartha
