നടന് സലീം കുമാര് രോഗബാധിതനായി വെന്റിലേറ്ററില് കഴിഞ്ഞ സമയത്ത് അദ്ദേഹത്തിനെതിരെ സമൂഹമാധ്യമങ്ങളില് നടന്ന സൈബര് ആക്രമണങ്ങള് മനുഷ്യത്വരഹിതം; രാഷ്ട്രീയത്തിന്റെ പേരില് കലാകാരന്മാരെ ആക്രമിക്കുന്നത് കേരളത്തിന് യോജിച്ചതല്ലെന്ന് മുഖ്യമന്ത്രി വി ഡി സതീശന്
കലാകാരന്മാര്ക്ക് നേരെയുള്ള സൈബര് ആക്രമണങ്ങള്ക്കെതിരെ മുഖ്യമന്ത്രി വി ഡി സതീശന്. കേരളത്തിന് അപമാനമാണിതെന്ന് മുഖ്യമന്ത്രി പറഞ്ഞു. നടന് സലീം കുമാര് രോഗബാധിതനായി വെന്റിലേറ്ററില് കഴിഞ്ഞ സമയത്ത് അദ്ദേഹത്തിനെതിരെ സമൂഹമാധ്യമങ്ങളില് നടന്ന സൈബര് ആക്രമണങ്ങള് മനുഷ്യത്വരഹിതമാണ്.
രാഷ്ട്രീയത്തിന്റെ പേരില് കലാകാരന്മാരെ ഇത്തരത്തില് ആക്രമിക്കുന്നത് കേരളത്തിന് യോജിച്ചതല്ല. പ്രശസ്ത വ്യക്തികള് മരിക്കുമ്പോള് വീടുകളില് ഉണ്ടാകുന്ന അനിയന്ത്രിതമായ തിരക്കു കാരണം കുടുംബാംഗങ്ങള്ക്ക് മരണാനന്തര കര്മ്മങ്ങള് ചെയ്യാനോ, പോലീസിന് ഔദ്യോഗിക ബഹുമതി നല്കാനോ കഴിയാത്ത അവസ്ഥയുണ്ടായിട്ടുണ്ട്.
ഇതൊന്നും നമ്മുടെ നാടിന്റെ സംസ്കാര രീതിയല്ലെന്നും മുഖ്യമന്ത്രി പറഞ്ഞു. ആലപ്പുഴയിലെ ഗണ്മാന് കേസില് പ്രതികള്ക്ക് മുന്കൂര് ജാമ്യം ലഭിച്ച സംഭവം സര്ക്കാര് ഗൗരവമായി പരിശോധിക്കുമെന്നും മുഖ്യമന്ത്രി വ്യക്തമാക്കി.
https://www.facebook.com/Malayalivartha
