ചപ്പാത്തി മെഷീനില് കൈ കുരുങ്ങി സ്ഥാപന ഉടമയായ വീട്ടമ്മയ്ക്ക് ദാരുണാന്ത്യം
ഹാഫ് കുക്ഡ് ചപ്പാത്തി മെഷീനില് കൈ കുരുങ്ങി ഗുരുതരമായി പരുക്കേറ്റ സ്ഥാപന ഉടമയായ വീട്ടമ്മ മരിച്ചു. വാഴക്കുളം സ്റ്റാര് ചപ്പാത്തി കട ഉടമ പള്ളിക്കുന്നേല് റെജിമോള് ജസ്റ്റിന് (52) ആണ് ദാരുണമായ അപകടത്തെ തുടര്ന്ന് മരിച്ചത്. വില്പനയ്ക്കായുള്ള ചപ്പാത്തി ഉണ്ടാക്കുന്നതിനിടെ കൈ യന്ത്രത്തില് കുരുങ്ങുകയായിരുന്നു. യന്ത്രത്തില് നിന്നുള്ള അസാധാരണമായ ശബ്ദവും മണവും പുറത്തു വന്നതിനെ തുടര്ന്ന് സ്ഥാപനത്തോടു ചേര്ന്നുള്ള വീട്ടില് നിന്നു മകന് എത്തിയപ്പോഴാണ് റെജിമോളെ യന്ത്രത്തില് കൈ കുടുങ്ങി കിടക്കുന്ന നിലയില് കണ്ടെത്തിയത്. ഉടന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
ഭര്ത്താവ് ജസ്റ്റിന് മരിച്ചതിനെ തുടര്ന്ന് കുട്ടികളെ വളര്ത്താന് റെജിമോള് തുടങ്ങിയ സ്ഥാപനമായിരുന്നു സ്റ്റാര് ചപ്പാത്തി കട. ഭര്ത്താവിന്റെ വേര്പാടും ദുരിതങ്ങളും മറികടന്ന് ജീവിതം തിരികെ പിടിക്കാന് ശ്രമിക്കുന്നതിനിടെയാണു അവിചാരിതമായി ദുരന്തം ഉണ്ടായത്. റെജിമോളുടെ സംസ്കാരം നാളെ രാവിലെ 10.30ന് വസതിയില് ശുശ്രൂഷകള്ക്ക് ശേഷം വാഴക്കുളം സെന്റ് ജോര്ജ് ഫൊറോന പള്ളിയില്. മക്കള്: ജാസ്മിന്, ജ്യോതി ദര്ശന, ജസ്റ്റോ.
https://www.facebook.com/Malayalivartha
